І асабліва цікава, калі гэта гульня прадугледжвае выкананне інтэлектуальных і абаронна-спартыўных дысцыплін, як «Зарнічка», якая сабрала акцябрат і піянераў у СШ № 3 г.Капыля з 8 устаноў агульнай сярэдняй адукацыі. Гульня «Зарнічка» ўяўляе сабой камандныя спаборніцтвы.
Пачаткам гульні стала ўрачыстае адкрыццё і пастраенне, падчас якога загадчыца раённага вучэбна-метадычнага кабінета Вера Станкевіч і галоўны суддзя спаборніцтваў, настаўнік фізічнай культуры і здароўя СШ № 3 г. Капыля Андрэй Носаў настроілі юных патрыётаў на перамогу.
Хлопцы з цікавасцю выконвалі заданні
Першым конкурсам стаў агляд строя акцябрацкіх войскаў «Будзь гатовы!», а наступнае спаборніцтва «Маленькія грамадзяне вялікай краіны» праводзілася ў форме квіза. Падчас этапу «Вылучэнне» пасля каманды «Марш!» хлопчыкі і дзяўчынкі выконвалі па чарзе ўсе этапы эстафеты. Праявіць лепшыя спартыўныя якасці хлопцы змаглі падчас усіх этапаў спаборніцтва: «Пастка», «Багна», «Бервяно», «Змейка», «Сакрэтны пакет» і «ДАК». І на кожным чулася дружнае «Ура!»
Пераможцам у «Зарнічцы» стала каманда з Быстрыцкай СШ. Другое месца занялі рабяты з гімназіі № 1 і СШ № 2 г. Капыля. Трэці вынік - у школьнікаў з СШ № 3 г. Капыля і Цімкавіцкай СШ.
Дзіяна Ткачэнка
Крыніца http://www.kopyl.by