Арганізатарамі конкурсу выступаюць РК ГА «БРСМ» і аддзел ідэалагічнай работы, культуры і па справах моладзі райвыканкама.
Адна з асноўных умоў конкурсу - узрост аднаго з мужа і жонкі не старэйшы за 35 гадоў, а сем'і-удзельніцы павінны мець асабістую прысядзібную гаспадарку, арганізаваную на высокім гаспадарчым узроўні. Вызначэнне пераможцаў будзе праводзіцца ў намінацыях «Сам сабе гаспадар», «Наш аграгарадок», «Мой дом — мая крэпасць», «Лепшыя азеляніцелі». Пры ацэнцы падворкаў улічваюцца азеляненне, кветкаводства, змест гаспадарчых пабудоў, арыгінальнасць афармлення двара і прыдамавой тэрыторыі, будаўніцтва дома і іншых пабудоў, актыўны ўдзел у грамадскім і культурным жыцці населенага пункта.
Пераможцамі конкурсу прызнаюцца маладыя сем'і, якія набралі ў суме максімальную колькасць балаў у адной з намінацый. Падвядзенне вынікаў плануецца ў жніўні.
Заяўкі для ўдзелу ў раённым конкурсе, завераныя старшынёй сельскага выканаўчага камітэта, накіроўваюцца ў РК ГА «БРСМ» па адрасе: г.Капыль, вул. Я. Купалы, 2, або па факсе 54-1-25. Заяўкі ад удзельнікаў, якія пражываюць у г. Капылі, прымаюцца па тэл.54-1-25 або па электроннай пошце Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду..
Павел Шэін
Крыніца http://www.kopyl.by