У час мерапрыемства быў абмеркаваны ход выканання пастановы дзевятай справаздачна-выбарчай канферэнцыі раённага Савета і заслуханы справаздачы старшынь пярвічных ветэранскіх арганізацый СШ № 3 г. Капыля і ўчастка «Бабоўня» ПУП «ПІК-Лясное» з самотна пражываючымi ветэранамі, а таксама падведзены вынікі работы Савета за мінулы перыяд.
Аляксандру Дубіне падчас дыялогу старшынямі пярвічак быў зададзены шэраг пытанняў, многія з якіх узяты на заметку.
Адным з галоўных момантаў падчас пасяджэння стала абмеркаванне конкурсу сярод першасных ветэранскіх арганізацый раёна. Крытэрамі для ацэнкі стануць, у першую чаргу, патрыятычнае выхаванне і актывізацыя дзейнасці па сацыяльнай і прававой абароне ветэранаў, паляпшэнне іх матэрыяльнага становішча, а таксама выхаванне актыўнасці і грамадзянскай сталасці. У конкурсе чатыры намінацыі - «Клапатлівы сусед», «У авангардзе патрыятычных спраў», «Духоўнасць. Культура. Здаровы лад жыцця» і «Арганізацыя працы першаснай арганізацыі». Вынікі будуць падведзены ў жніўні-верасні.
Агляд-конкурс «Ветэранскае падвор'е-2021» стаў асноўнай тэмай для абмеркавання падчас пасяджэння, бо зусім хутка падыдзе да канца прыняцце заявак (да 15 чэрвеня) і пачнецца выбар лепшых прысядзібных участкаў сярод жыхароў раёна «залатога» ўзросту. Савет ветэранаў вельмі спадзяецца на актыўны ўдзел у гэтым конкурсе!
