Свята сабрала больш за 500 дзяцей з усёй Мінскай вобласці, у тым ліку і пецярых дзяцей з нашага раёна. Ацаніць дасягненні юных талентаў можна было на выставах малюнкаў «Летнія матывы» і творчых работ «Дрэва сямейных захапленняў», «Дзяржыншчына любімая і дзіўная», «Юны калекцыянер». А творчыя пляцоўкі, якія працавалі па ўсім парку ў Дзяржынску, здзіўлялі сваёй разнастайнасцю. Незвычайнае і адначасова павучальнае мерапрыемства арганізаваў Дзяржынскі РАНС.
Сям'я Булдыска рада ўдзелу ў свяце і асабліва - ушанаванню
Адмысловымі гасцямі свята сталі шматдзетныя сем'і педагагічных работнікаў цэнтральнага рэгіёна. Іх ушанаванне з уручэннем падарункаў стала фінальным акордам урачыстасці. Сардэчна павіншаваў гэтыя сем'і і дзятву начальнік галоўнага ўпраўлення адукацыі Мінаблвыканкама Мікалай Башко. Выбар сям'і Булдыска быў цалкам апраўданым. Мама, Анастасія Анатольеўна, якая працуе намеснікам дырэктара ў Старыцкай СШ, займае актыўную жыццёвую пазіцыю і з'яўляецца членам абласнога Маладзёжнага савета Беларускага прафесійнага саюза работнікаў адукацыі і навукі і старшынёй гэтай жа арганізацыі на раённым узроўні.
- Наша сям'я вядзе актыўны і здаровы лад жыцця – дзеліцца ўражаннямі Анастасія Булдыска. - Разам з мужам Аляксандрам, які працуе ў ААТ «Старыца-Агра», гадуем траіх дзяцей: Ангеліну, Глеба і Маргарыту. Хлопцы вучацца ў мясцовай школе, удзельнічаюць у грамадскім жыцці. Свята нам вельмі спадабалася. Дзеці з задавальненнем прымалі ўдзел у працы розных інтэрактыўных пляцовак. Але галоўным сюрпрызам дня нас стаў момант ушанавання, калі нашу сям'ю запрасілі на сцэну. Мы вельмі задаволены і ўдзячны за аказаны давер!
