На конкурсе якасці, які адбыўся ва Усерасійскім навукова-даследчым інстытуце сыраробства і масларобства ў г. Угліч Яраслаўскай вобласці, сыр «Гройцер малады» быў адзначаны Гран-пры.
Начальнік сыраробнага цэха Марына Гайдук (у цэнтры) з майстрамі-сыраробамі Ірынай Бурак, Аленай Манецiнай і сыраробамі Наталляй Калыхан, Наталляй Некраш з узнагародамі гэтага года
А па выніках народнага конкурсу «Чэмпіён смаку» - адзінага дэгустацыйнага конкурса, які ўлічвае меркаваннi прафесіяналаў галіны і спажыўцоў, - Дыпломамі І ступені (своеасаблівы залаты медаль) узнагароджаны сыры «Капыльскі» з водарам згушчанага малака, «Гройцер малады», «Капыльскае золата», а таксама Дыпломам ІІ ступені - сыр «Golden Eyes».
Казаць пра сыры начальнік вытворчасці Капыльскага філіяла ААТ «Слуцкі сыраробны камбінат» Вольга Крэменчуг, здаецца, можа бясконца. Яна вельмі любіць сваю працу, відаць, што чалавек творчы, захоплены ствараць нешта новае. Натуральна, любіць і сваю прадукцыю. Асабліва вылучае сыр «Мадзелан».
- Вядома, што час не стаіць на месцы, усё мяняецца. Так і капыльскія сыраробы знайшлі сябе ў ролі вытворцы элітных сыроў. Сыр «Мадзелан» - наша унікальная распрацоўка, - распавядае Вольга Міхайлаўна. - нецярпліва просім пачакаць, таму што гэты сыр не любіць паспеху. Каб убачыць яго на стале, неабходна два гады. Менавіта столькі часу спатрэбіцца, каб сыр паспеў, раскрыўся смак у поўнай меры, і пакупнік змог адчуць яго ўнікальнае спалучэнне з рознымі прадуктамі. «Мадзелан» рэкамендуюць падаваць разам з садавіной, выдатна адцяніць водар лёгкага віна, а дзякуючы структуры і асабліваму смаку ідэальна падыходзіць для прыгатавання італьянскіх страў. Каб спажыўцы па вартасці ацанілі пікантны сырны смак «Мадзелана», нашы сыраробы выкарыстоўваюць лепшае малако і даглядаюць за сырам, як за каханым дзіцём.
Сыр «Беларускае золата» таксама заваяваў любоў гурманаў не толькі ў краіне, але і за яе межамі. Яго па праве называюць адкрыццём беларускіх сыраробаў. Чытаючы апісанне, хочацца тут жа адправіцца на пошукі гэтага прадукта: «Водар сыру дапаўняецца лёгкім і далікатным прысмакам топленага малака. Дзякуючы пяшчотнай кансістэнцыі «Беларускае золата» з'яўляецца ідэальнай парай да ранішняга бутэрброда, а таксама амлетам, піцам, клёцкам». Хіба можна выстаяць перад спакусай яго паспрабаваць? Думаю, што не. Але гэты сычужны паўцвёрды сыр сёння не адзіная падстава для гонару ў капыльскіх сыраробаў.
Мясцовы «Пармезан» - яшчэ адзін запатрабаваны ў пакупнікоў тавар. Гэта вытанчаны ласунак, асалода для гурмана і трыумф смаку. Мае калючую кансістэнцыю з выяўленымі крышталямі. Упершыню ў якасці эксперыменту яго адправілі на паспяванне ў лістападзе 2015 года, а паспеў сыр, як і трэба па тэхналогіі, толькі праз год. Першая пробная партыя капыльскага «Пармезану» разышлася літаральна за 4 дні. Тут жа прадпрыемству пайшлі заяўкі на гэту прадукцыю. Так што ў выніку аб'ёмы выпуску «Пармезану» прыйшлося сур'ёзна павялічыць. І нават нягледзячы на кошт, якi некалькі вышэй з-за больш складанай тэхналогіі вырабу, сыр не залежваецца на складзе. Дарэчы, ён прызнаны пераможцам конкурсу «Лепшыя тавары Рэспублікі Беларусь» за 2020 год.
А вось начальнік сыраробнага цэха Марына Гайдук аддае перавагу аднаму з сыроў элітнай групы - «Гройцеру маладому», які мае ўмерана выяўлены чысты сырны, злёгку саладкаваты смак. Пры яго вытворчасці, як і пры вытворчасці іншых сыроў элітнай групы, прымяняецца натуральнае паспяванне ў палімерным пакрыцці.
Карыстаюцца папулярнасцю і іншыя віды. Напрыклад, сыры «Расійскі асаблівы» і «Расійскі новы» - паўцвёрдыя сыры расійскага гурта, якія валодаюць характэрным сырным, злёгку кіслявым смакам. «Расiйскі новы» адрозніваецца больш выяўленым смакам. Своеасаблівы раўнамерна размешчаны па ўсёй масе сыроў малюнак - вочкі няправільнай, вуглаватай і шчылінападобнай формы.
Сыр «Белаазёрскі» - паўцвёрды сыр з паскораным паспяваннем, які характарызуецца сярэдневыяўленым сырным смакам. Ён мае шчыльную, аднастайную, умерана пластычную кансістэнцыю і добра спалучаецца з самымі рознымі прадуктамі харчавання.
Сыр з незвычайнай назвай «GOLDEN EYES» уваходзіць у элітную групу паўцвёрдых сыроў. Мае незвычайны саладкава-рэзкі смак з пікантным рэхам. Малюнак на зрэзе складаецца з вочак круглай формы.
Разыначка сярод прадукцыі філіяла - лінейка сыроў з натуральнымі араматызатарамі. Сыры «Капыльскі» з водарамі згушчанага і топленага малака, грэцкага арэха хутка набылі папулярнасць у пакупнікоў.
У 2020 годзе пачалі выпускаць сыр «Капыльскае золата». Валодае сырным смакам умеранай выяўленасці з пікантным прысмакам. Назву і тэхналогію стваралі самі. Па найменні зразумела, што выраблены ён у Капылі - выдатным гарадку, дзе працавітыя і адданыя сваёй справе людзі вырабляюць сыр і любяць сваю малую радзіму.
Нашы сыраробы рыхтуюць сюрпрызы да Дня беларускага пісьменства. Праўда, пакуль што асаблівасці навінак яны не раскрываюць, але падчас свята абяцаюць іх прэзентацыю і дэгустацыю. Толькі вядома, што сыр «Пані Каханку» па вартасці павінны ацаніць жанчыны. Ён вырабляецца з даданнем шэрагу шафранавых прыпраў, выдатна спалучаецца з вінаградам, мёдам, шакаладам. А вось сыр «Вінгенштэйнскі», можна сказаць, распрацаваны для мужчын. Ён адцяніць смак віна, арэхаў, яго павінны ацаніць аматары вострага.
- Капыльская вытворчая пляцоўка заўсёды спецыялізавалася на выпуску сыроў, - адзначае кіраўнік Капыльскага філіяла ААТ «Слуцкі сыраробны камбінат» Аляксандр Крэменчук. - Шматлікія дзесяцігоддзі мы трымаем высокую марку, прапаноўваючы як на ўнутраны, так і на знешні рынак сыры расійскай і элітнай груп. Асаблівую ўвагу нашы спецыялісты надаюць якасці прадукцыі. Кантралюецца і ўвесь тэхналагічны працэс. Наша прадукцыя сёння адпавядае ўсім неабходным стандартам якасці. У аснове прапанаванай намі лінейкі тавараў - натуральная сыравіна без кансервантаў і штучных дабавак.
Сяргей КОЗЕЛ
Здымкі Паўла Шэіна
Крыніца http://www.kopyl.by
