Марына КРЭПСКАЯ, старшыня райкама прафсаюза работнікаў адукацыі і навукі:
— Натуральна, гэтай сустрэчы чакалі ўсе беларусы, каб з першых вуснаў пачуць аб парадку дня як унутранай, так і знешняй палітыкі краіны. «Вялікая размова» цалкам адпавядае сваёй назве: кожная сустрэча Кіраўніка дзяржавы з журналісцкай і экспертнай супольнасцю становіцца падзеяй, яркай і запамінальнай. І раней такія сустрэчы Прэзідэнта праводзіліся ў рэжыме анлайн, словы Аляксандра Лукашэнкі, які на ўсе пытанні адказвае ў сваім стылі, прадметна і адкрыта, цытуюць беларускія і замежныя СМІ.
Дата правядзення мерапрыемства 9 жніўня. У гэты дзень у 2020 годзе адбыліся выбары Прэзідэнта Рэспублікі Беларусь. Прайшоў год. Ён быў няпростым для краіны, людзей, і зараз ёсць магчымасць прааналізаваць пайшоўшыя ў гісторыю факты, даць ім непрадузятую ацэнку і яшчэ раз сказаць аб стратэгіі развіцця дзяржавы на перспектыву.
Барыс ДЗЕНІСЮК, настаўнік Слабадакучынскай СШ, член грамадскіх аб'яднанняў «Беларускі саюз журналістаў» і «Беларускі саюз афіцэраў»:
— «Вялікая размова з Прэзідэнтам» прыкавала да сябе вялікую ўвагу ў краіне і за мяжой. У ходзе адкрытага дыялогу былі закрануты важныя і хвалюючыя тэмы.
Прэзідэнт адзначыў паспяховую працу Нацыянальнага сходу і канстытуцыйнай камісіі на першым этапе. Зроблены першы крок да перамен.
Мы захавалі нацыянальныя каштоўнасці і захавалі краіну. І нездарма 2021 год - Год народнага адзінства.
У выступленні міністра эканомікі Аляксандра Чарвякова пачуў станоўчыя лічбы для нашай краіны. Працягваецца развіццё эканомікі ва ўмовах санкцый і пандэміі. Устойлівы рост ВУП - 103,3%, 80% дала прамысловасць. Захавалі вытворчасць, кампетэнцыі і кадры. Сельская гаспадарка забяспечыла харчовую бяспеку. Пабудавана 60% жылля да гадавога задання.
Прэзідэнт дакладна абазначыў платформу, на якой грунтуюцца адносіны з Расiяй.
Падрыхтаваў Сяргей КОЗЕЛ
Крыніца http://www.kopyl.by
