Адной з асноўных такіх рызык з'яўляецца павелічэнне актыўнасці перавозак дзяцей з месцаў адпачынку як асабістым транспартам, так і ў складзе арганізаваных груп аўтобусамі. Не менш важная акалічнасць - гэта страта за час летніх канікул дзецьмі навыкаў бяспечных паводзін на дарозе ва ўмовах высокай інтэнсіўнасці аўтатранспарту.
Так, на тэрыторыі Мінскай вобласці за 7 месяцаў бягучага года адбылося 45 ДТЗ з удзелам непаўналетніх, у якіх 1 малалетняе дзіця загінула (пасажыр) і 51 — атрымала траўмы рознай ступені цяжару. На шчасце, у Капыльскім раёне, за аналагічны перыяд здарэнняў не зафіксавана.
Таму, у мэтах прафілактыкі дзіцячага дарожна-транспартнага траўматызму і недапушчэння ДТЗ з удзелам непаўналетніх з 11 па 18 жніўня 2021 года на тэрыторыі Капыльскага раёна, як па ўсёй краіне, пройдзе рэспубліканская прафілактычная акцыя пад дэвізам «Беражыце дзяцей!».
Як паведаміў інспектар аддзялення ДАІ Капыльскага РАУС Сяргей Барадзін, у гэтыя дні вартавыя дарог правядуць заняткі з дзецьмі ў летніх аздараўленчых і школьных лагерах, дзе растлумачаць правілы бяспечных паводзін на дарозе і ў транспарце. Таксама інспектары нададуць асаблівую ўвагу правілам пераходу праезнай часткі, выбару бяспечных месцаў для актыўных гульняў, катання на роліках, скейтбордах, роварах, сродках персанальнай мабільнасці і нашэнню святловяртальных элементаў у цёмны час сутак. Дарослай аўдыторыі нагадаюць аб бяспечнай перавозцы юных пасажыраў, наступствах ДТЗ у выпадку ігнаравання патрэбных правілаў, а таксама агучаць адміністрацыйную адказнасць для вадзіцеляў, якія не клапоцяцца аб бяспецы сваіх пасажыраў. Акрамя таго, ДАІ адпрацуе нерэгулюемыя пешаходныя пераходы, участкі аўтамабільных дарог і вуліц населеных пунктаў, найбольш схільных рызыцы здзяйснення наездаў на пешаходаў і веласіпедыстаў. У полi зроку праваахоўнікаў будуць кіроўцы, якія не даюць перавагі пешаходам на пешаходных пераходах і перавозяць дзяцей без выкарыстання дзіцячых утрымліваючых прылад.
АДАІ Капыльскага РАУС звяртаецца да бацькоў і нагадвае, што менавіта яны нясуць адказнасць за сваіх дзяцей. Перш за ўсё, трэба кантраляваць іх вольны час і знаходжанне на вуліцы, - адзначыў інспектар.
Павел Шэін
Крыніца http://www.kopyl.by
