«Замкавая гара» на пастраеннi
Капыль прадстаўляла каманда «Замкавая гара». Хлопцы не ўпершыню прымаюць удзел у такога роду мерапрыемствах, і для іх не стварыла працы паказаць свае таленты і здольнасці. Цікавай і пазітыўнай была візітная картка каманды. У сцэнічна-гумарыстычным выступленні хлопцы зрабілі акцэнт і на тое, што Капыль сёлета прымае такія мерапрыемствы, як Дзень беларускага пісьменства і абласны фестываль-кірмаш «Дажынкі-2021». Гэтым, вядома ж, яны прыцягнулі ўвагу ўдзельнікаў мерапрыемства.
Каманда рыхтуецца да праходжання паласы перашкод
Пасля ўрачыстага адкрыцця фестывалю прайшла незабыўная вечарынка ў стылі 90-х. Усе старанна падрыхтаваліся да доўгачаканай дыскатэкi. Нібы прайшла нейкая настальгія, ад якой адчувалася бадзёрасць духу і жаданне працягваць мерапрыемства ў тым жа кірунку. Для жадаючых былі падрыхтаваны выдатныя фотазоны, дзе кожны мог паказаць сябе ў розных ракурсах здымкі, пакінуўшы для сябе памяць аб знаходжанні на фестывалі.
Раніца другога дня пачалася з бадзёрай зарадкі, якая падрыхтавала ўдзельнікаў да спартыўных спаборніцтваў: валейбол, дартс, паласа перашкод, перацягванне ліны, спаборніцтвы па гіравым спорце. Зразумела, пасля любой фізічнай нагрузкі хочацца паесці і адпачыць. І гэта выдатная магчымасць паспрабаваць і прадэгуставаць кулінарныя вынаходствы кожнай каманды, якая ўдзельнічала ў конкурсе прыгатавання страў, пад выступ кавер-бэнда.
Усе каманды былі ўзнагароджаны Ганаровымі граматамі і Падзякамі Мінаблвыканкама. Для кожнага прысутнага фестываль застанецца глыбока ў сэрцы, бо такія мерапрыемствы яднаюць і аб'ядноўваюць, фарміруюць і ўмацоўваюць сяброўскія адносіны сярод моладзі.
Наталля Давыдзенка
Крыніца http://www.kopyl.by
