Па словах кіраўніка раёна, прайшоўшая сустрэча — гэта ўнікальны фармат адкрытага дыялогу Кіраўніка дзяржавы з журналістамі, прадстаўнікамі грамадскасці, экспертнай і медыйнай супольнасці. Бягучы год нездарма аб'яўлены годам народнага адзінства менавіта таму, што беларусы змаглі захаваць краіну ў барацьбе за выбар гістарычнага шляху і сваіх перспектыў. Прэзідэнт падкрэсліў, што гэта было б немагчыма без кансалідацыі грамадства ў жаданні і імкненні забяспечыць мір на роднай зямлі.
- Ва ўсіх з нас ёсць дзеці, мы спакойна адпускаем іх гуляць на вуліцу, пры гэтым упэўнены, што з імі нічога не здарыцца — падкрэсліў Сяргей Міхайлавіч. — У нашай краіне ўсё стабільна, пад кантролем і кантралявана.
У рамках сустрэчы медыкі таксама абмеркавалі і іншыя моманты размовы: нацыянальную эканоміку, санкцыйны ціск на Беларусь, узаемаадносіны з Расійскай Федэрацыяй, міжнародную абстаноўку, умацаванне грамадскай бяспекі і дысцыпліны. Асаблівая ўвага нададзена пандэміі COVID-19 і яе наступствам. Па словах медыцынскіх работнікаў, правядзенне вакцынацыі не менш за 70% насельніцтва дазволіць стварыць калектыўны імунітэт і перамагчы пандэмію.
- Правядзенне вакцынацыі - неабходны і своечасовы крок на шляху паляпшэння эпідсітуацыі як у раёне, так і ва ўсёй краіне, — лічыць кіраўнік раёна. - Таму правадзіце інфармацыйна-тлумачальную працу пра важнасць вакцынацыі супраць каранавіруснай інфекцыі.
Яшчэ адзін важны момант - правядзенне рэферэндуму па ўнясенні змяненняў у Асноўны закон рэспублікі. У ліку прапаноў - захаванне прэзідэнцкай формы праўлення і правядзенне пераразмеркавання паўнамоцтваў паміж прэзідэнтам, парламентам і ўрадам, зыходзячы з канстытуцыйных функцый.
- Падчас Вялікай размовы Прэзідэнт адзначыў, што ў Беларусі неабходна адкрыта, сумленна правесці рэферэндум па прапанаваных зменах у Канстытуцыю — рэзюмаваў Сяргей Пілішчык. - Канчатковы праект новай Канстытуцыі будзе папярэдне апублікаваны, каб грамадзяне змаглі азнаёміцца з прапанаванымі зменамі. Таму чытайце газеты, глядзiце тэлебачанне і слухайце радыё. І кожны з вас зробіць свой выбар. Спадзяюся, ён будзе правільным і дэмакратычным.
Таццяна БОХАН
Крыніца http://www.kopyl.by
