Тут прынялі ўдзел старшыня Мінскага аблвыканкама Аляксандр Турчын, дзяржаўны сакратар Савета бяспекі Аляксандр Вальфовіч, міністр па надзвычайных сітуацыях Беларусі Вадзім Сіняўскі і пажарныя вобласці. Не абышлося мерапрыемства і без капылян: на сустрэчы прысутнічалі і некаторыя супрацоўнікі Капыльскага РАНС на чале з начальнікам Віталём Буняком.
25 аўтацыстэрн новага ўзору, вырабленых на шасі айчынных аўтамабіляў МАЗ беларускім прадпрыемствам «Пажснаб», а таксама 3 легкавыя аўтамабілі Geely Atlas, набытых за сродкі Мiнаблвыканкама, былі ўручаны ратавальнікам.
Ва ўрачыстай абстаноўцы заахвоцілі ганаровымі граматамі і падзякамі лепшых супрацоўнікаў МНС, сярод іх і наш зямляк Аляксандр Чаркас, начальнік варты ПАВЧ № 1 г.Капыля. Ён атрымаў грамату за дасягненні высокіх вынікаў у службе, праяўлены прафесіяналізм і ўзорнае выкананне службовых абавязкаў. Пажарная аўтацыстэрна МАЗ дасталася таксама нашаму раёну - яна накіравана ў ПАВЧ № 2 аг. Цімкавічы. Пазадарожнік Geely перададзены ў Капыльскі райаддзел у службовае карыстанне.
Павел Шэін
Фота mlyn.by
крыніца http://www.kopyl.by
