Прыём адбудзецца ў пракуратурах горада Мінска (г. Мінск, вул. Ракаўская, д. 38) і Мінскай вобласці (г.Мінск, вул. Шчадрына, д. 1).
У рэгіёнах рэспублікі сустрэчы арганізаваны на пляцоўках:
ЗАТ «Брэсцкі навукова-тэхналагічны парк» (г. Брэст, вул. Піянерская, д. 52);
ГА «Асацыяцыя наймальнікаў і прадпрымальнікаў» (г. Віцебск, вул. Калініна, 14А, 2В);
Гомельскага абласнога выканаўчага камітэта (г. Гомель, пр. Леніна, д. 2);
РУП «Вучэбна-вытворчы цэнтр «Тэхналаб» (г. Гродна, вул. Гаспадарчая, 21 А);
УКП «Магілёўскі гарадскі цэнтр падтрымкі малога прадпрымальніцтва» (г.Магілёў, вул. Ленінская, д. 21).
Час правядзення мерапрыемства - з 10 да 13 гадзін.
Прыём прадстаўнікоў бізнэс-супольнасці будуць весці:
пракурорскія работнікі Генеральнай пракуратуры, пракуратур абласцей і горада Мінска па лініі нагляду за выкананнем заканадаўства і законнасцю прававых актаў, аб барацьбе з карупцыяй і арганізаванай злачыннасцю;
прадстаўнікі Рэспубліканскай канфедэрацыі прадпрымальніцтва.
Звярнуўшыяся змогуць задаць цікавячыя іх пытанні з практыкі прымянення заканадаўства, звязаныя з прадпрымальніцкай дзейнасцю, унесці прапановы аб яго ўдасканаленні.
Нагляд за выкананнем заканадаўства ў сферы забеспячэння правоў і законных інтарэсаў прадпрымальнікаў, ліквідацыі адміністрацыйных бар'ераў у многіх галінах эканамічнай дзейнасці, прадухілення ціску на бізнес праз выключэнне неабгрунтаваных праверак з боку кантрольных і наглядных органаў - адна з прыярытэтных задач органаў пракуратуры. Асаблівая ўвага - выяўленню дыскусійных пытанняў правапрымянення і заканадаўчага рэгулявання прадпрымальніцкай дзейнасці, выпрацоўцы эфектыўных мер па яе развіцці.
Генеральная пракуратура запрашае прыняць удзел у дадзеным мерапрыемстве ўсіх зацікаўленых.