Капыльскі раён прыняў удзел у рэспубліканскім аўтапрабегу «Сімвал адзінства», які падарожнічае па краіне і аб'яднае 118 населеных пунктаў. Амаль за два тыдні калона праедзе больш за 7000 кіламетраў. Мэтай акцыі з'яўляецца аб'яднанне жыхароў краіны, патрыятызм і ўзаемадапамога ў рамках Года і Дня народнага адзінства.
Прадстаўнікі грамадскіх арганізацый, працоўных калектываў, ветэраны і моладзь Капыльшчыны на трасе каля Гулевіч традыцыйна прынялі эстафету ў салігарчан. Велізарная калона з суседняга раёна прыехала разам з прадстаўнікамі Рэспубліканскага грамадскага аб'яднання «Патрыёты Беларусі», якія на сваім маршруце адкрылі другую сотню рэгіёнаў. Пасля чаго ўсе накіраваліся ў Семежава. Ля брацкай магілы адбыўся мітынг, які правялі старшыня Капыльскай раённай арганізацыйнай структуры ДТСААФ Аляксандр Касінскі і старшыня першаснай ветэранскай арганізацыі ААТ «Семежава» Уладзімір Выскварка.
Ва ўрачыстай абстаноўцы адбылася цырымонія перадачы прадстаўнікам РГА «Патрыёты Беларусі» каравая, А таксама сімвала адзінства - мяшочка са збожжам новага ўраджаю Капыльскага раёна і памятных сувеніраў з лагатыпам XXVIII рэспубліканскага свята «Дзень беларускага пісьменства».
З прывітальнымі словамі выступілі і члены РГА «Патрыёты Беларусі»:
- У нас выдатная, чыстая і прамяністая зямля, выдатныя, добрыя і адкрытыя людзі. Сёння мы разам, і мы адзіныя - гэта гаворыць пра тое, што мы не забываем і шануем памяць, ганарымся неверагодным подзвігам нашых продкаў.
Прадстаўнікі грамадскага аб'яднання ў Год народнага адзінства падарылі ўдзельнікам Капыльскага раёна памятны падарунак - крышталь з контурам краіны і з сімвалічным надпісам «Нас усіх аб'ядноўвае родная зямля».
Пасля ўсе ўдзельнікі аўтапрабегу ўсклалі кветкі і вянкі да брацкай магілы.
Час не чакае, і ўсе зноў адправіліся ў шлях на мяжу Капыльскага і Клецкага раёнаў, дзе капыляне традыцыйна перадалі эстафету Клецкаму раёну.
Наталля Давыдзенка
Крыніца http://www.kopyl.by
