Апублікаванне на афіцыйным сайце Генеральнай пракуратуры інфармацыі аб спаленых фашыстамі і іх памагатымі беларускіх населеных пунктах у гады нямецкай акупацыі прыцягнула павышаную ўвагу і выклікала цікавасць грамадскасці да трагічных старонак гісторыі роднага краю.
У сувязі з гэтым у наглядным органе растлумачылі, што Нацыянальнае кадастравае агенцтва працягвае працу па напаўненні Публічнай кадастравай карты прасторавым пластом з інфармацыяй пра месцазнаходжанне спаленых вёсак. У першую чаргу ўносяцца дадзеныя пра раней невядомыя населеныя пункты. Пры гэтым праводзіцца карпатлівая праца па супастаўленні розных гістарычных карт для канкрэтызацыі лакацыі кожнай знішчанай вёскі.
Звесткі паступаюць з архіўных дакументаў і допытаў, па выніках аглядаў месцаў здарэнняў і раскопак у рамках расследавання Генпракуратурай крымінальнай справы аб генацыдзе.
Мэта праекта - наглядны малюнак на сучаснай карце Беларусі маштабу злачынстваў нямецка-фашысцкіх захопнікаў і іх памагатых.
Пасля вываду графічнай інфармацыі аб спаленых вёсках на асобных рэсурсах інтэрнэту з'явіліся матэрыялы, у якіх вялася гаворка аб недакладнасці названых звестак, непаўнаце пласта, недакладнасцях, звязаных з колькасцю дамоў у даваенны і пасляваенны перыяды ў канкрэтных вёсках і загінуўшых жыхароў, а таксама аб іншых інсінуацыях на чалавечым горы і нацыянальнай трагедыі.
«Генеральная пракуратура мяркуе неабходным адзначыць, што папярэдняе расследаванне па крымінальнай справе да цяперашняга часу не завершана - трэба будзе правесцi вялікі аб'ём работ па ўстанаўленні ўсіх фактаў злачынстваў нацыстаў і іх памагатых на тэрыторыі сучаснай Беларусі. Па меры збору новых доказаў карта будзе карэктавацца», - гаворыцца ў паведамленні нагляднага органа.
Пры гэтым усіх грамадзян, якія маюць звесткі аб спаленых і знішчаных населеных пунктах, просяць паведамляць у Генеральную пракуратуру аб наяўнасці, на іх думку, недакладнасцяў у пласце Публічнай кадастравай карты. Кожны довад будзе вывучаны і правераны.
Крыніца http://www.kopyl.by