17 верасня мы ўпершыню ў гісторыі Беларусі адзначаем Дзень народнага адзінства.
Гэты дзень стаў актам гістарычнай справядлівасці ў адносінах да беларускага народа, падзеленага супраць яго волі ў 1921 годзе па ўмовах Рыжскага мірнага дагавора, і назаўсёды замацаваўся ў нацыянальнай гістарычнай традыцыі.
Адноўленае ў 1939 годзе адзінства дазволіла Беларусі выстаяць у гады Вялікай Айчыннай вайны, заняць ганаровае месца ў міжнароднай супольнасці, стаць адным з сузаснавальнікаў Арганізацыі Аб'яднаных Нацый.
Сёння беларускі народ адзіны ў выбары стратэгічнага курсу на развіццё моцнай, суверэннай і квітнеючай краіны. Устанаўленне Дня народнага адзінства 17 верасня падкрэслівае пераемнасць пакаленняў, непахіснасць і самадастатковасць беларускай нацыі і дзяржаўнасці.
Святкуючы дзень народнага адзінства, мы праяўляем любоў і павагу да мінулага нашай дзяржавы. Гэта свята – сімвал гонару за нашых продкаў, якія адстаялі сваю незалежнасць. Свой гонар і любоў да мінулага нашай Радзімы перадавайце цяперашняму пакаленню. Няхай ваша жыццё працякае спакойна пад мірным небам. Поспехаў вам ва ўсім! Са святам!
Раённы выканаўчы камітэт
Раённы Савет дэпутатаў
Крыніца http://www.kopyl.by
