Удзельнікамі сустрэчы сталі старшыня раённага Савета дэпутатаў Ірына Кісляк, дырэктар Капыльскі ТЦСАН і старшыня РА ГА БСЖ Святлана Маліноўская, старшыня раённага аб'яднання прафсаюзаў Валянціна Козіч, старшыня РА ГА Беларускага таварыства Чырвонага Крыжа Ніна Жук, першы сакратар РК ГА «БРСМ» Анастасія Збіруховіч, старшы навуковы супрацоўнік раённага краязнаўчага музея Таццяна Варанцова. Таксама ў зале прысутнічалі члены Маладзёжнага парламента, працуючая моладзь, шматдзетныя мамы, наведвальнікі тэрытарыяльнага цэнтра, грамадзяне сталага ўзросту і іншыя.
Ля ўваходу з усмешкамі на тварах усіх гасцей сустракалі спецыялісты цэнтра. Была арганізавана праца квэст-пляцовак для гасцей, пры праходжанні якіх ім неабходна было паказаць свае веды, аператыўна выканаць заданні і рухацца далей. Усе заданні і пытанні былі аб Беларусі і родным горадзе, з якімі ўсе паспяхова справіліся.
Праца квэст-пляцовак
Таксама гасцям было прапанавана запоўніць анкету для таго, каб выявіць праблемныя пытанні, распрацаваць праектныя ініцыятывы, выпрацаваць канкрэтныя прапановы па ўдасканаленні развіцця горада і раёна. Усе вынікі апытання і прапановы ў наступным будуць абагульнены і перададзены ў раённы Савет дэпутатаў для арганізацыі далейшай працы.
Удзельнікам было прапанавана запоўніць анкету
Удзельнікі дыялогу азнаёміліся з працай «Школы роднаснага сыходу» арганізаванай на базе ТЦСАН па навучанні членаў сям'і, якія ажыццяўляюць догляд за цяжкахворымі грамадзянамі. Арганізавана праца навучальнага кабінета, у якім прадстаўлены як касметычныя сродкі для сыходу так і прыстасаванні для прыма ежы, сродкі рэабілітацыі, істотна палягчаючыя догляд за цяжкахворымі людзьмі, што дазваляе як мага даўжэй ім знаходзіцца ў хатніх умовах. Арганізавана дэманстрацыя відэаўрокаў.
Пасля невялікай экскурсіі ўсе накіраваліся ў залу пасяджэнняў, дзе ўсіх павітала Святлана Маліноўская:
- Дзень народнага адзінства вельмі важны для кожнага з нас, аб'яднаўшыся мы можам многае. Ад нас залежыць якімі мы будзем назіральнікамі, пабочнымi альбо актыўнымі ўдзельнікамі будаўніцтва квітнеючай Беларусі.
Выступае дырэктар Капыльскага ТЦСАН Святлана Маліноўская
Ірына Кісляк адзначыла, што Капыльшчына не стаіць на месцы і, не гледзячы ні на што, развіваецца, рухаецца наперад, будуюцца і мадэрнізуюцца новыя комплексы. Асаблівую ўвагу яна надала таму, што ў рамках правядзення «Дня беларускага пісьменства» і фестывалю-кірмашу «Дажынкі-2021» у горадзе праведзена шмат работ па добраўпарадкаванні.
Ірына Кісляк выступае перад удзельнікамі дыялогавай пляцоўкі
Аб сумеснай дзейнасці і далейшым развіцці грамадскіх арганізацый распавялі іх прадстаўнікі. Ніна Жук зрабіла акцэнт на працы валанцёраў, якія заўсёды ў адзінай звязцы, у любой сітуацыі гатовы дапамагчы. У таварыстве Чырвонага Крыжа іх 92. Таксама было прапанавана папоўніць шэрагі валанцёраў у асобе моладзі, бо гэта адзін з прыярытэтаў дзейнасці арганізацыі.
У рамках дыялогу ўзнімаліся пытанні, якія больш за ўсё турбуюць жыхароў горада.
Сваё пытанне задае Валянціна Вайтова
На сустрэчы было разгледжана шмат пытанняў і прапаноў, частка з іх вырашаліся на месцы, а больш сур'ёзныя ўзяты на кантроль.
Наталля Давыдзенка
Крыніца http://www.kopyl.by
