Валанцёры ГА «БРСМ» «Добрае сэрца»
- Мы павінны паважаць і шанаваць узрост людзей старэйшага пакалення, - кажа Анастасія Збіруховіч. - Наша задача - растлумачыць грамадзянам неабходнасць садзейнічання дзяржаўным органам, каб паменшыць наступствы ўчыненых правапарушэнняў. Бо старасць не для гвалту, а для мудрасці і спакою.
Пасля Анастасія Збіруховіч сумесна з інспектарам СПiУГ Капыльскага РАНС Таццянай Шастаковай наведалі ўдзельнікаў Вялікай Айчыннай вайны Льва Іванавіча Лепеціла з г. Капыля, Марыю Харытонаўну Прыміч з аг. Скабін. А таксама павіншавалі ветэранаў органаў падраздзяленняў па надзвычайных сітуацыях Уладзіміра Фёдаравіча Бурму і Сяргея Антонавіча Кулікоўскага з г.Капыля.
Таццяна Шастакова і Анастасія Збіруховіч павіншавалі Марыю Харытонаўну Прыміч
Удзельнікі акцыі цёплымі словамі павіншавалі ветэранаў з Днём пажылых людзей, уручылі кветкі, наглядныя дапаможнікі, а таксама пракансультавалі па пажарнай бяспецы.
Наталля Давыдзенка
Крыніца http://www.kopyl.by