Напярэдадні святкавання Дня настаўніка райкам прафсаюза работнікаў адукацыі і навукі разам са старшынямі ветэранскіх арганізацый устаноў адукацыі горада высадзілі туі, якія і працягнуць алею. Як напамін пра гэта, устаноўлена спецыяльная таблічка.
- Гэта алея была закладзена некалькі раней – каментуе старшыня райкама прафсаюза работнікаў адукацыі і навукі Марына Крэпская. – Але зараз прыйшоў час яе абнавіць. У гэтым знакавым мерапрыемстве прынялі ўдзел старшыня раённага Савета ветэранаў Людміла Каменка і лідары першасных ветэранскіх арганізацый школ горада: Тамара Канстанцінаўна Дубовік, Валянціна Васільеўна Данілевіч, Святлана Канстанцінаўна Шыманская, Валянціна Андрэеўна Маліноўская. Пасадзіўшы дрэўца, удзельнікі мерапрыемства адправіліся на чаяванне.
- Мне было вельмі прыемна паўдзельнічаць у мерапрыемстве, якое праходзіла напярэдадні двух важных для мяне свят – Дня настаўніка і Дня пажылых людзей, - дзеліцца ўражаннямі Тамара Канстанцінаўна Дубовік. - Можна сказаць, што высаджвалі дрэўцы мы з піянерскім запалам і настаўніцкім захапленнем. Прыемна было чуць словы віншавання ад Людмілы Каменка, якая падзякавала нам за працу з настаўнікамі, якія выйшлі на заслужаны адпачынак, а таксама ад дырэктара Цэнтра Таццяны Васіленка і метадыста Вольгі Максімені. І асобныя словы падзякі - за тую душэўную атмасферу, якой было напоўнена чаяванне. Але, пасадзіўшы дрэўца, мы не можам забыцца пра яго, таму будзем прыходзіць і назіраць за тым, як яно расце, паліваць і даглядаць.
Дзіяна Ткачэнка
Крыніца http://www.kopyl.by
