Жыхарам горада ўручылі тэматычныя флаеры з інфармацыяй аб правілах вакцынацыі і яе неабходнасці. Таксама тым, хто яшчэ не вакцынаваўся, былі прапанаваны ўлёткі з пазначанымі пунктамі, дзе можна вакцынавацца ад COVID – 19. А грамадзянам, якія зрабілі прышчэпку, удзельнікі акцыі дарылі невялікі прэзент. Асаблівая ўвага надавалася пажылым людзям і інвалідам.
Валанцёры «Добрае сэрца» раздаюць флаеры
- Наша задача на сёння засцерагчы сябе, сваіх родных і блізкіх ад хваробы – кажа першы сакратар райкама ГА «БРСМ» Анастасія Збіруховіч. - Калі будзе праведзена імунізацыя ў большай колькасці людзей, тады выпрацуецца імунітэт, што дапаможа спыніць вірус. Таксама любы чалавек, які прышчапіўся, можа падзяліцца гэтай навіной у сацыяльных сетках пад хэштэгамi #стопковид, #привитковид, #япривит, і расказаць усім, чаму ён вырашыў прышчапіцца і чаму гэта так неабходна.
Таксама ўдзельнікі акцыі наведалі адзін з прышчэпачных пунктаў, які размяшчаецца ў Капыльскай ЦРБ. Першага чалавека, які ў гэты дзень прыйшоў вакцынавацца, павіншавалі і ўручылі памятныя падарункі. Гэта апынулася жыхарка г. Мазыра Гомельскай вобласці Вера Бабіна, якая на дадзены момант працуе ў Капылі.
- Мне не абыякавы лёс Радзімы, маё здароўе, таксама родных і блізкіх мне людзей – кажа Вера Міхайлаўна. - Перахварэўшы аднойчы, разумею, наколькі сур'ёзная сітуацыя ў краіне, і наколькі важна прышчэпка, каб мы ўсе заставаліся здаровымі.
Вера Бабіна прыйшла на вакцынацыю
У нядзелю, калі на вуліцы шмат жыхароў і гасцей горада, першы сакратар разам з валанцёрамі наведалі сельскагаспадарчы кірмаш. Усім раздавалі буклеты аб рабоце прышчэпачных пунктаў, распавядалі пра важнасць вакцынацыі.
Хтосці ўжо прышчапіўся, а нехта яшчэ ў роздумах. Толькі ад нас залежыць наша будучыня, наша здароўе. І толькі разам мы зможам перамагчы вірус.
Наталля Давыдзенка
Крыніца http://www.kopyl.by
