— Сапраўды, як паведамляе ў СМІ кіраўнік прафсаюза фельчараў і работнікаў «хуткай» Расіі Дзмітрый Белякоў, пацыенты з кавiдам не звяртаюцца своечасова да лекара, таму што змяніліся сімптомы на першых этапах лёгка зблытаць з грыпам або ВРВІ, - каментуе ўрач-тэрапеўт (загадчык аддзялення прафілактыкі Капыльскай ЦРБ) Аліна Косач. - Сёння інфекцыя пачала развівацца больш імкліва: пнеўманія ў хворых з'яўляецца на трэці дзень, а не на сёмы, як раней. У заражаных каранавiрусам назіраюцца боль і пяршэнне ў горле, а таксама высокая тэмпература, што робіць COVID-19 падобным на грып. А яшчэ многія пацыенты скардзяцца на страту слыху і галавакружэнне. На думку спецыялістаў, гэта звязана з тым, што каранавiрус паражае цэнтральную нервовую сістэму
Цяпер пры лёгкіх формах захворвання можа быць павышэнне тэмпературы, рыніт, або насмарк, боль у горле, кашаль. Аднак пры больш цяжкай плыні захворвання з'яўляюцца дыхавіца, стамляльнасць, заложанасць у грудной клетцы. Таксама характэрна з'яўленне пнеўманіі, сепсісу або парушэнняў у сістэме згортвання крыві. Яшчэ фіксуюцца млоснасць, ваніты, вадкі стул, скурныя высыпанні. Плюс да ўсяго змянілася і працягласць інкубацыйнага перыяду інфекцыі: цяпер ён у сярэднім складае каля 4-6 дзён.
Намечаны і прыкладны час заканчэння пандэміі: яна працягнецца яшчэ як мінімум год. Усе спецыялісты сыходзяцца ў адзіным меркаванні: пандэмія цалкам скончыцца, толькі калі мінімум 70-80 адсоткаў насельніцтва краін зробяць прышчэпку ад кавiда. ТАК ШТО ЎСЁ Ў НАШЫХ РУКАХ.
Падрыхтавала Дзіяна Ткачэнка
Крыніца http://www.kopyl.by
