У мерапрыемстве прыняў удзел і выступіў намеснік старшыні рэспубліканскага Савета грамадскага аб'яднання «Беларускі саюз афіцэраў» палкоўнік у адстаўцы Васіль Скрыннікаў. У ходзе сустрэчы былі закрануты наступныя пытанні: героіка-патрыятычнае выхаванне насельніцтва, падрыхтоўка дапрызыўнай моладзі да вайсковай службы, правілы паступлення ў ваенныя навучальныя ўстановы краіны і іншыя.
Напрыканцы Васіль Савельевіч перадаў для папаўнення ў бібліятэцы кутка Беларускага саюза афіцэраў кнігі - «Дзеці за мір», «Зямля не раскажа», «Узяцце Берліна. Перамога!»; часопісы - «Армія» і «Саюзная дзяржава».
Затым дырэктар школы правяла экскурсію па ўстанове адукацыі, азнаёміла госця з макетам кнігі, які быў выраблены педагогамі і навучэнцамі, і прадстаўлены на тэматычнай выставе ў дзень святкавання беларускага пісьменства ў Капылі.
Барыс Дзенісюк,
сябра ГА «Беларускі саюз журналістаў»
крыніца http://www.kopyl.by
