На працягу працоўнага дня жанчыны, якія выхоўваюць траіх і больш дзяцей, могуць звярнуцца да натарыуса і атрымаць кансультацыю па пытаннях, якія ўваходзяць у кампетэнцыю спецыяліста. Каб мінімізаваць асабістыя кантакты для абароны насельніцтва ад магчымых рызык заражэння каранавiруснай інфекцыяй, у дзень правядзення акцыі натарыусы будуць бясплатна кансультаваць па тэлефонах натарыяльных кантор і натарыяльных бюро, а таксама дыстанцыйна з ужываннем відэасувязі (мэсэнджэры). Фармат прадастаўлення бясплатнай кансультацыі можна ўзгадніць загадзя, патэлефанаваўшы ў натарыяльную кантору або натарыяльнае бюро. Кантактныя дадзеныя можна ўдакладніць на сайце Беларускай натарыяльнай палаты belnotary.by у раздзеле «Знайсці натарыуса».
Звярнуцца ў натарыяльную кантору Капыльскага раёна і атрымаць бясплатную кансультацыю можна па тэлефоне 55-9-61.
Акрамя таго, 14 кастрычніка на сайце Беларускай натарыяльнай палаты адбудзецца анлайн-семінар для грамадзян, прысвечаны пытанням пасведчання шлюбных дагавораў, пагадненняў аб падзеле маёмасці, пагадненняў аб дзецях і пагадненняў аб выплаце аліментаў. Натарыусы раскажуць, як мірна і без суда дамовіцца аб выхаванні і ўтрыманнi дзяцей або падзяліць сумесна нажытую маёмасць, а таксама адкажуць на пытанні грамадзян. Пачатак анлайн-семінара ў 11.00. Пытанні можна загадзя накіраваць на электронны адрас пошты Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду., паказаўшы сваё імя і горад пражывання. Адказы прагучаць падчас анлайн-семінара.
Наш кар.
Крыніца http://www.kopyl.by