- У сувязі з эпідэміялагічнай сітуацыяй, звязанай з распаўсюджваннем каранавіруснай інфекцыі, раю калегам, сябрам, блізкім і знаёмым прышчапляцца – так выпрацоўваецца калектыўны імунітэт. Сама ж прышчапілася кітайскай вакцынай пасля таго, як перахварэла кавідам: было 40% паразы лёгкіх. З улікам таго, што праз тры месяцы ўзровень антыцелаў пачынае зніжацца, для сваёй бяспекі вырашыла прайсці імунізацыю. Якіх-небудзь пабочных эфектаў не было, самаадчуванне не падводзіла.
Вядома, рабіць прышчэпку ці не – справа добраахвотная, але вельмі патрэбная. Чацвёртая хваля COVID-19 дастаткова актыўная, і, на жаль, акрамя людзей сталага ўзросту, вельмі шмат маладых схільных рызыцы развіцця захворвання. Хацела б асабістым прыкладам паказаць, што гэта цалкам бяспечны працэс. Без вакцынацыі мы не спынім хваробу.
Таццяна БОХАН
Крыніца http://www.kopyl.by
