Старшыня раённага камітэта прафсаюза работнікаў адукацыі і навукі Марына Крупская адзначыла, што акцыя праходзіць штогод. Кожны можа звярнуцца ў сваю першасную прафсаюзную арганізацыю, падпісаць маляўнічую паштоўку-віншаванне і адправіць маме. Таксама яе можна спампаваць на інтэрнэт-партале Федэрацыі прафсаюзаў Беларусі, дзе прапанаваны іх шырокі асартымент. Акрамя гэтага, сябры прафсаюза да свята падрыхтавалі відэаролікі пад хэштэгам #поздравиммамувместе, які размясцілі ў сацыяльных сетках. Гэта выдатная нагода ў чарговы раз павіншаваць і падзякаваць усім мамам за іх падтрымку і клопат, любоў і дабрыню, за шчыры ўдзел у жыцці кожнага, за мудрыя навучанні і правільнае выхаванне.
Мы наведалі цэнтр карэкцыйна-развіваючага навучання і рэабілітацыі Капыльскага раёна і ўбачылі, як прафсаюзы арганізавалі святкаванне Дня маці.
Падчас падпісання паштовак
Старшыня першаснай арганізацыі ЦКРНiР Капыльскага раёна Валянціна Сыман адзначыла, што ва ўстанове створана маляўніча аформленая зона актыўнасці, для таго, каб кожны жадаючы мог напісаць на прадстаўленых паштоўках самыя цёплыя словы сваім мамам. Усе паштоўкі адпраўляюцца на пошту і далей адрасатам. У рамках падрыхтоўкі да свята ў цэнтры аформлены куток з вырабамі, паштоўкамі і сувенірамі, якія зрабілі выхаванцы разам са сваімі бацькамі.
Наталля Давыдзенка
Крыніца http://www.kopyl.by
