Для кожнага дзіцяці маці, падарыўшая яму жыццё, назаўжды застаецца самым галоўным родным чалавекам. Як самы блізкі чалавек і першы настаўнік - маці фармуе характар маленькай асобы, далучае яе да духоўна-маральных каштоўнасцей.
Матчына любоў, пяшчота, цяпло і клопат - бясцэнны дар, які робіць нас шчаслівымі. Мудрыя парады маці і яе падтрымка, неабходныя ў любым узросце, даюць нам упэўненасць ва ўласных сілах, у тым, што на зямлі ёсць чалавек, які заўсёды будзе чакаць і клапаціцца пра цябе, дапамагаць пераадольваць любыя нягоды і дасягаць намечаныя мэты.
Дарагія мамы! Прыміце самыя шчырыя словы падзякі за вашу бескарыслівую самаадданую працу, за ваш бясцэнны ўклад у будучыню нашай рэспублікі. Будзьце каханыя і шчаслівыя!
Людміла Ніжэвіч
старшыня Пастаяннай камісіі па бюджэце і фінансах Палаты прадстаўнікоў Нацыянальнага сходу Рэспублікі Беларусь
Дарагія мамы!
Прыміце самыя светлыя і далікатныя віншаванні з гэтым выдатным і добрым святам!
На свеце няма больш важнага і значнага для кожнага з нас чалавека, чым маці. У яе мы чэрпаем сілу, а мудры мацярынскі наказ і пяшчотны клопат дапамагаюць нам адбыцца ў жыцці. Мы ганарымся маці, якія выхавалі дзяцей, якія праславілі Капыльшчыну, шануем і паважаем жанчын-маці - ветэранаў Вялікай Айчыннай вайны, ганарымся шматдзетнымі мамамі, падтрымліваем маладых маці.
Жадаем, каб кожная мама была шчаслівая ад таго, што яе любяць і паважаюць дзеці, каб у яе доме панавалі радасць і дабро, любоў і паразуменне, каб ён быў поўны шчасця і дабрабыту, цяпла і выгоды, шчаслівых дзіцячых галасоў.
Раённы выканаўчы камітэт
Раённы Савет дэпутатаў
Крыніца http://www.kopyl.by
