- Хоць сёлета кампанія атрымала іншую назву, але мэта засталася ранейшай - акружыць клопатам людзей, якія маюць патрэбу ў нашай дапамозе, прыцягнуць увагу грамадскасці да праблем адзінокіх, самотна пражываючых пажылых людзей з абмежаванымі магчымасцямі здароўя.
Усе мерапрыемствы, якія праводзяцца Капыльскай раённай арганізацыяй Беларускага Таварыства Чырвонага Крыжа (і не толькі ў перыяд кампаніі, а штодня), накіраваны на аказанне дапамогі шматдзетным і апякунскім сем'ям, дзецям-сіротам, адзінокім і самотна пражываючым пажылым людзям, інвалідам, людзям, якія апынуліся ў надзвычайнай сітуацыі, асобам без пэўнага месца жыхарства і вярнуўшымся з месцаў пазбаўлення волі. Дапамога аказваецца ў выглядзе адзення, абутку, пасцельных прыналежнасцяў, прадуктовых і гігіенічных набораў, інвалідных калясак, апор і інш.
Чырвоны Крыж дапаможа любому чалавеку, не пакіне сам-насам з бядой. Дабрачынная кампанія будзе доўжыцца да 5 снежня 2021 года.
Актыўны ўдзел прымаюць валанцёры БТЧК, першасныя арганізацыі. Ажыццяўляецца збор адзення, абутку (у чыстым выглядзе і добрым стане), сродкаў гігіены, прадуктаў харчавання (доўга захоўваючыхся).
Запрашаем усіх неабыякавых, добрых сэрцам людзей прыняць удзел у дабрачыннасці. Наш адрас: г. Капыль, пл. Леніна, 14. Тэл. (8-033) 632-39-25.
Падрыхтаваў Сяргей КОЗЕЛ
крыніца http://www.kopyl.by