- І педагогі, і запрошаныя госці пастараліся разнастаіць тую інфармацыю, якая дапаможа школьнікам заставацца здаровымі – кажа галоўны спецыяліст упраўлення па адукацыі, спорце і турызме райвыканкама Валерыя ЛЕВУС. - Да прыкладу, у сярэдняй школе № 2 г. Капыля адбыўся адкрыты дыялог. Падчас яго правядзення галоўны ўрач Капыльскай ЦРБ Сяргей Пацяйковіч і дырэктар установы адукацыі Ірына Абас распавялі навучэнцам, як важна сачыць за сваім здароўем і асабліва падчас COVID-19.
У гімназіі № 1 г. Капыля прайшоў iнформ-дайджэст, дзе гаворка ішла аб дасягненнях аховы здароўя і фармацэўтыкі. Перад старшакласнікамі ў якасці запрошанага госця і вядучага выступіла выпускніца гімназіі, а цяпер студэнтка БДПУ ім. М. Танка Бажэна Лабко. Дзяўчына распавяла пра члена-карэспандэнта Нацыянальнай акадэміі навук Рэспублікі Беларусь, доктара медыцынскіх навук, прафесара, акадэміка Беларускай медыцынскай акадэміі, заслужанага дзеяча навукі Рэспублікі Беларусь Манака Мікалая Андрэевіча.
Інфармацыйную гадзіну ў СШ № 3 г. Капыля, на якой акрамя 11-класнікаў прысутнічалі іх класны кіраўнік Наталля Салавей і медработнік школы Ніна Пякарская, прайшоў у форме дыялогу. Падчас яго правядзення былі абмеркаваны такія тэмы, як развіццё медыцынскай сферы краіны ў цэлым і Капыльшчыны ў прыватнасці. Асаблівую цікавасць выклікалі пытанні аб тым, дзе можна набыць медыцынскія прафесіі і ад чаго залежыць здароўе чалавека.
Мерапрыемства ў Быстрыцкай СШ
У Быстрыцкай СШ навучэнцы 10 класа абмеркавалі самыя розныя пытанні, у ліку якіх - бясплатная і даступная медыцынская дапамога, высокатэхналагічная медыцына, прадухіленне распаўсюджвання хвароб і інфекцый, медыцынскі турызм, высокая кваліфікацыя медыцынскіх спецыялістаў, іх міласэрнасць і бязмежная адданасць справе. Пагаварылі таксама і аб клопаце дзяржавы аб здароўі нацыі, здаровым ладзе жыцця і яго папулярызацыі, аб стаўленні да шкодных звычак, да здароўя як найвялікшай каштоўнасці, аб матывацыі да захавання, умацавання здароўя, актыўнай жыццёвай пазіцыі, фізкультурна-аздараўленчых і спартыўна-масавых мерапрыемствах.
Дзіяна Ткачэнка
Крыніца http://www.kopyl.by