Мерапрыемства, якое складаецца з трох этапаў, праводзіцца з мэтай прыцягнення ўвагі да праблемы пажараў і гібелі людзей з-за неасцярожнага абыходжання з агнём пры курэнні.
Як паведаміла інспектар сектара прапаганды і ўзаемадзеяння з грамадскасцю Капыльскага РАНС Таццяна Шастакова, першы этап, які стартаваў з першага дня месяца, завершыцца 12 лістапада: месцамі яго правядзення стануць працоўныя калектывы прамысловых, сельгаспрадпрыемстваў і іншых арганізацый раёна. З 15 па 25 лістапада пройдзе другі этап, І ў ім прымуць удзел навучэнцы вышэйшых і сярэдніх устаноў адукацыі, а таксама асобы, якія злоўжываюць спіртнымі напоямі – для апошніх сустрэчы пройдуць на базе ўстаноў аховы здароўя. Фінальны этап акцыі адбудзецца з 26 па 30 лістапада ў месцах масавага знаходжання людзей, сельскіх саветах і на іншых адкрытых пляцоўках.
Ратавальнікі запрашаюць усіх неабыякавых прыняць удзел у акцыі. Будзе вельмі цікава і пазнавальна!
Павел Шэін
Крыніца http://www.kopyl.by