Прадстаўнікі грамадскай арганізацыі перадаюць прадуктовыя наборы медыцынскім работнікам, якія працуюць у «чырвоных зонах».
Прадуктовыя наборы, а таксама словы падтрымкі і падзякі медыцынскім работнікам Капыльскай цэнтральнай раённай бальніцы адрасавалі старшыня Мінскай абласной арганізацыі Беларускага прафсаюза работнікаў аховы здароўя Аляксандр Дрэйчук і старшыня Капыльскага раённага аб'яднання прафсаюзаў Валянціна Козіч.
Падчас уручэння каштоўных падарункаў Аляксандр Дрэйчук падзякаваў медработнікам ЦРБ за працу і цярпенне. Паводле слоў Аляксандра Аляксандравіча, сёння важна падтрымаць медыкаў у эпідэміялагічнай абстаноўцы, каб кожны адчуваў падтрымку.
У сваю чаргу галоўны ўрач Капыльскай ЦРБ Сяргей Пацяйковіч падзякаваў гасцям за прадуктовыя наборы, адзначыўшы, што зараз дапамога медыкам як ніколі дарэчы. Ён распавёў, што наборы будуць перададзены ў «рэанімацыю», два інфекцыйныя аддзяленні, а таксама паліклінічныя кабінеты, якія працуюць непасрэдна з кавіднымі пацыентамі.
Аўтар: Павел Шэін
Крыніца: http://www.kopyl.by
