Як паведаміў старшы інспектар аддзялення ДАІ Капыльскага РАУС Сяргей Барадзін, кіраванне транспартам у стане алкагольнага ап'янення адно з самых сур'ёзных парушэнняў правілаў дарожнага руху. Цяжар наступстваў такіх дарожна-транспартных здарэнняў значна вышэй у параўнанні з астатнімі аварыямі.
Нагадаем, што Кодэкс аб адміністрацыйных правапарушэннях Рэспублікі Беларусь, згодна з якім меры адміністрацыйнага ўздзеяння за нецвярозае кіраванне 1 сакавіка гэтага года сталі больш жорсткімі. Новым КоАП прадугледжана градацыя алкагольнага ап'янення кіроўцы. Да 0,8 праміле ўключна - штраф 100 базавых велічынь і пазбаўленне правоў на 3 гады, больш за 0,8 праміле - 200 базавых велічынь штрафу з пазбаўленнем правоў на 5 гадоў.
- За паўторнае кіраванне ў стане алкагольнага ап'янення на працягу года правапарушальнік прыцягваецца да крымінальнай адказнасці, пры гэтым прадугледжана спецыяльная канфіскацыя транспартнага сродку, якім кіравалі ў стане ап'янення, незалежна ад права ўласнасці. - рэзюмаваў Сяргей Барадзін.
Вартавыя дарог заклікаюць: калі вы бачыце ці ведаеце, што транспартным сродкам кіруе кіроўца ў стане алкагольнага ап'янення, паведаміце ў дзяжурную частку Капыльскага РАУС па тэлефоне 102!
Аўтар: Павел Шэін
Крыніца: http://www.kopyl.by
