Удзел у мерапрыемстве прыняў старшыня Мінскага абласнога выканаўчага камітэта Аляксандр Турчын, які адзначыў, што служба ўчастковых інспектараў - гэта важны элемент нацыянальнай бяспекі.
- Участковыя з'яўляюцца першымі памочнікамі старшыняў райвыканкамаў, сельсаветаў, кіраўнікоў гаспадарак. Ад іх многае залежыць, бо яны працуюць у цеснай звязцы з людзьмі, вырашаюць іх пытанні, разумеюць, якія праблемы ўласцівы сельскай мясцовасці і як навесці там парадак, – прагучала ў звароце Аляксандра Генрыхавіча.
Лепшых супрацоўнікаў службы ён адзначыў заслужанымі ўзнагародамі ад Мiнаблвыканкама і Міністэрства ўнутраных спраў. Так, адзін з узнагароджаных - участковы Блеўчыцкага сельвыканкама Андрэй Трублоўскі. Яму быў уручаны нагрудны знак «Ганаровы супрацоўнік МУС».
Сярод прадстаўнікоў 19 раёнаў, якія атрымалі ключы ад новых службовых аўтамабіляў, быў і Сяргей Лазоўскі, участковы інспектар Грозаўскага сельвыканкама.
Таксама падчас мерапрыемства нагруднага знака ад МУС «За садзейнічанне» быў удастоены старшыня Капыльскага райвыканкама Сяргей Пілішчык.
- Можна шмат чаго патрабаваць ад участковых, але, калі ім няма на чым дабрацца ў аддаленую вёску, гэта нікуды не падыходзіць – адзначыў старшыня Мiнаблвыканкама Аляксандр Турчын у сваёй урачыстай прамове.
Павел Шэін
Фота mlyn.by