Такая думка была выказана падчас правядзення дыялогавай пляцоўкі, якая адбылася на базе Капыльскай раённай цэнтральнай бібліятэкі імя А. Астрэйкі. А тэмай абмеркавання стаў праект праграмы патрыятычнага выхавання насельніцтва на 2022 2025 гады. Арганізатарам мерапрыемства выступіла ў тым ліку і рэдакцыя газеты «Слава працы».
Удзельнікамі сустрэчы сталі прадстаўнікі сістэм адукацыі, культуры, грамадскіх аб'яднанняў і арганізацый, якія дзейнічаюць на тэрыторыі раёна, а таксама сродкаў масавай інфармацыі.
Вітаючы прысутных, галоўны спецыяліст аддзела ідэалагічнай работы, культуры і па справах моладзі райвыканкама Алена Карпеленя адзначыла, што грамадзянска-патрыятычнае выхаванне фарміруе не проста законапаслухмянага грамадзяніна, а чалавека, які свядома і актыўна выконвае свой грамадзянскі абавязак..
Алена Карпеленя
– Яно прадугледжвае прывіццё павагі да Дзяржаўнага флага і герба Рэспублікі Беларусь, гераічнага і гістарычнага мінулага, культуры свайго народа, любові да роднай мовы, прыгажосці роднай прыроды, – падкрэсліла Алена Уладзіміраўна. - Вялікая праца праводзіцца па патрыятычным выхаванні ва ўстановах адукацыі, арганізацыях і прадпрыемствах раёна, якія добраўпарадкоўваюць тэрыторыі каля помнікаў салдатам і ахвярам Вялікай Айчыннай вайны, месцаў пахавання і мемарыяльных комплексаў, якіх у раёне налічваецца 186.
Таксама Алена Уладзіміраўна дадала, што неабходна актывізаваць працу па населеных пунктах для пошуку няўлічаных пахаванняў і ставіць іх на вайсковы ўлік, каб памяць была ўшанавана.
Людміла Каменка
Не застаюцца ўбаку і ветэраны. Іх хвалююць падзеі, якія адбываюцца ў раёне, краіне, а таксама будучыня моладзі. Пра гэта гаварыла старшыня раённага савета ветэранаў Людміла Каменка. Грамадзянства і патрыятызм закладваюцца з самага дзяцінства, таму праца ў гэтым напрамку павінна пачынацца з ранняга ўзросту.
– Нас з моладдзю аб'ядноўвае праект «Ганарымся гісторыяй, шануем сувязь пакаленняў», які з'явіўся ў 2019 годзе і дзейнічае па цяперашні час, – сказала Людміла Міхайлаўна. - Цешыць тое, што хлопцы шчыра лічаць, што атрымліваюць важны жыццёвы ўрок, калі наведваюць ветэранаў Вялікай Айчыннай вайны дома, запісваюць іх успаміны, прайшоўшы разам дарогамі іх жыцця..
Валянціна Шуракова
Яшчэ адным ключавым напрамкам ваенна-патрыятычнага выхавання з'яўляецца гісторыка-культурная спадчына, пра якую расказала дырэктар раённага краязнаўчага музея Валянціна Шуракова:
– Раённы музей займаўся, займаецца і будзе займацца патрыятычным выхаваннем, бо фонды музея ўключаюць у асноўным матэрыялы гісторыі станаўлення, стварэння і развіцця малой радзімы – горада Капыля і раёна. Гэта цэлая сістэма мэтанакіраваных мерапрыемстваў, якія падмацоўваюцца пэўнымі справамі. І музей у сваю чаргу працуе па трох з асноўных напрамкаў: фарміраванні гістарычнай памяці, пераемнасці пакаленняў і культурна-гістарычным асяроддзі.
Іаан Уханаў
Як адзначыў благачынны цэркваў Капыльскай акругі іерэй Іаан Уханаў, вельмі важна першапачаткова закладваць аспекты патрыятычнага выхавання ў сям'і. І гаворка ідзе пра хрысціянскія каштоўнасці, пра тое, чым жывуць бацькі ў сваім духоўным свеце.
Аб рабоце раённых дзіцячай і цэнтральнай бібліятэк у напрамку ваенна-патрыятычнага выхавання расказалі намеснік дырэктара па працы з дзецьмі Валянціна Камінская загадчыца аддзела бібліятэчнага маркетынгу Таццяна Гнецька..
Барыс Дзенісюк
Пра тое, што ў Слабадакучынскай СШ вялікая ўвага надаецца ваенна-патрыятычнаму выхаванню, распавёў настаўнік хіміі, намеснік старшыні Савета РА ГА «Беларускі саюз афіцэраў» Барыс Дзенісюк. Як сапраўдны патрыёт сваёй Радзімы, ён укладвае душу ў сваю працу, за што яго любяць і шануюць. Ім максімальна старанна праводзіцца работа ў гэтым напрамку з падрастаючым пакаленнем і насельніцтвам у цэлым. Да правядзення розных мерапрыемстваў патрыятычнага характару Барыс Мікалаевіч заўсёды далучае навучэнцаў, бацькоў, ветэранаў, студэнцкую і працуючую моладзь, а таксама прадстаўнікоў грамадскіх арганізацый..
Сяргей Маргалік
Аб усведамленні кожным грамадзянінам сваёй ролі і месца ў служэнні Радзіме і дзяржаве, фарміраванні гатоўнасці да выканання канстытуцыйнага абавязку па яго абароне распавёў начальнік адасобленай групы (Капыльскага раёна) ваеннага камісарыята Нясвіжскага і Капыльскага раёнаў Сяргей Маргалік. А аб фарміраванні фізічна і духоўна развітай асобы, маральна стойкай, якая валодае высокім узроўнем грамадзянскасці і патрыятычнай свядомасці ў спартыўна-патрыятычным кірунку распавялі намеснік начальніка ўпраўлення па адукацыі, спорту і турызму райвыканкама Святлана Сташаніна вядучы спецыяліст РА РГА «Белая Русь» .
Падчас сустрэчы ўдзельнікамі былі ўнесены прапановы ў праект праграмы па патрыятычным выхаванні.
Аўтар: Наталля ДАВЫДЗЕНКА
Фота Паўла ШЭІНА
