Крадзеж, прадугледжаны арт. 212 Крымінальнага кодэкса Рэспублікі Беларусь, адрозніваецца ад іншых форм крадзяжу спосабам парушэння адносін уласнасці. У законе сказана аб такім вiдзе крадзяжу: шляхам мадыфікацыі кампутарнай інфармацыі.
Юрыдычна скончаным дадзенае злачынства прызнаецца з моманту наступлення двух наступстваў: уласніку маёмасці прычыняецца рэальная шкода, і асоба супрацьпраўна, бязвыплатна завалодвае маёмасцю, а таксама атрымлівае рэальную магчымасць карыстацца або распараджацца выкрадзеным. Для прызнання злачынства скончаным не патрабуецца, каб вінаваты рэальна распарадзіўся маёмасцю. У падобнай сітуацыі досыць усталяваць, што ў асобы аб'ектыўна з'явілася такая магчымасць, і гэта акалічнасць ўсведамляецца ёй. У гэтай сувязі за здзяйсненне злачынства, прадугледжанага арт. 212 Крымінальнага кодэкса Рэспублікі Беларусь, падлягаюць адказнасці не толькі асобы, якія валодаюць высокімі ведамі ў сферы камп'ютэрных тэхналогій, якія прысвойваюць маёмасць з дапамогай кампутара, але і тыя, хто здымае без дазволу грашовыя сродкі з чужой банкаўскай карткі.
Што ж тычыцца адказнасці за здзяйсненне дадзенага злачынства, то санкцыя артыкула 212 Крымінальнага кодэкса Рэспублікі Беларусь у залежнасці ад характару і ступені цяжкасці здзейсненага злачынства прадугледжвае розныя віды пакарання, найбольш мяккім з якіх з'яўляецца крымінальны штраф, мінімальны памер якога складае 30 базавых велічынь. Што ж тычыцца больш строгага пакарання, то асобе, прызнанай вінаватай у здзяйсненні дадзенага злачынства, можа быць прызначана пакаранне ў выглядзе пазбаўлення волі тэрмінам да дванаццаці гадоў са штрафам і з пазбаўленнем права займаць пэўныя пасады, альбо займацца пэўнай дзейнасцю або без пазбаўлення.
Аляксей Крот,
намеснік пракурора Капыльскага раёна юрыст 2 класа
Крыніца http://www.kopyl.by
