«Малы і сярэдні бізнес - адзін з фактараў эканамічнага росту ў любой дзяржаве. Яго роля незаменная пры вырашэнні найбольш вострых эканамічных і сацыяльных задач. Не патрабуючы значных выдаткаў з боку дзяржавы, малы і сярэдні бізнес спрыяе фарміраванню здаровага канкурэнтнага асяроддзя, усталяванню рыначнай раўнавагі, стварэнню новых працоўных месцаў, фарміраванню сярэдняга класа, задавальненню розных патрэб насельніцтва, што ў канчатковым выніку прыводзіць да забеспячэння ўстойлівага эканамічнага росту. У Беларусі падтрымцы прадпрымальніцтва ў апошняе дзесяцігоддзе надаецца вялікая ўвага, прыняты шэраг праграм для яго стымулявання і развіцця, створаны прэферэнцыйныя ўмовы для вядзення бізнесу» — нагадала парламентарый.
Разам з тым, па словах Людмілы Ніжэвіч, пры штогадовым росце ўдзельнай вагі малога і сярэдняга бізнесу ў структуры эканомікі ўдзел іх у дзяржаўных выдатках застаецца нязначным. «Так, з 2010 года колькасць плацельшчыкаў, якія прымяняюць спрошчаную сістэму падаткаабкладання, узрасла ў 2, 5 разы — з 104 тыс.да амаль 257 тыс., пры гэтым калі ў 2010 годзе ўдзельная вага паступленняў ад гэтай катэгорыі плацельшчыкаў у агульнай суме даходаў бюджэту складаў 3,8%, то ў 2020 годзе ўсяго толькі 5,1%. А паступленні ад індывідуальных прадпрымальнікаў склалі ў 2020 годзе пры колькасці плацельшчыкаў 189,5 тыс. — 1,3%. За 10 гадоў паступлення ў бюджэт ад гэтай катэгорыі прадпрымальнікаў узраслі ўсяго толькі на паўпрацэнтны пункт пры росце ў 3 разы занятых у гэтым сегменце рынку», - распавяла старшыня парламенцкай камісіі.
Больш за тое, лічыць Людміла Ніжэвіч, разнастайнасць відаў і спосабаў падаткаабкладання часам ставіць у розныя ўмовы прадпрымальнікаў аднаго і таго ж віду дзейнасці, чым ствараецца няроўная канкурэнцыя. «Відавочна, што наспеў час перагледзець асобныя падыходы і прадугледзець больш сучасныя, а самае галоўнае, справядлівыя падыходы ў падаткаабкладанні. Мяркую, новаўвядзенні ў частцы падаткаабкладання ўдзельнікаў сярэдняга і малога бізнэсу, а таксама абраны курс на цыфравізацыю ў падатковай сферы павінны зрабіць вядзенне бізнесу арганізацый розных форм больш справядлівым, камфортным і празрыстым», — падагульніла дэпутат.
Крыніца http://www.kopyl.by