Па словах дырэктара філіяла Уладзіміра Сахара, аўтобусы набыты за кошт сродкаў абласнога бюджэту. Пакуль яны ходзяць па школьных маршрутах, а ў найбліжэйшы час выйдуць у першыя рэйсы на прыгарадныя маршруты.
Аўтобус новага пакалення разлічаны на 25 пасадачных месцаў, агульная ўмяшчальнасць - 43 пасажыры. Навінка адрозніваецца павышанымі тэхнічнымі і спажывецкімі характарыстыкамі, палепшанай эрганомікай працоўнага месца кіроўцы, паніжаным узроўнем шуму ў салоне, высокім узроўнем кліматычнага камфорту. Кіраванне даверылі дасведчаным кіроўцам Максіму Чарнушэвічу і Мікалаю Гужову, якія на працягу многіх гадоў добрасумленна працуюць у аўтапарку.
- Аўтобусы зроблены на Паўлаўскім аўтобусным заводзе, - распавядае кіроўца з 38-гадовым стажам працы Мікалай Гужоў. - Гэта вельмі добрыя транспартныя сродкі, у якіх спалучаюцца сучаснае аздабленне і камфартабельны салон. Абсталяваны падножкай ля першай дзверы, GPS-навігацыяй, інфармацыйным табло «Бягучы радок» і рацыяй для абвяшчэння прыпынкаў. Сама па сабе агляднасць выдатная, роўна як і манеўранасць. І, як ужо ацанілі першыя пасажыры, а гэта школьнікі і настаўнікі ўстаноў адукацыі Капыльшчыны, дзякуючы раўнамернаму абаграванню ў салоне вельмі цёпла.
Таццяна БОХАН
Крыніца http://www.kopyl.by