На парадку дня, у першую чаргу, было падвядзенне вынікаў працы за 2021 год, дзе з дакладам выступіла Людміла Каменка. Па словах Людмілы Міхайлаўны, каранавiрус унёс свае карэктывы ў працу Савета, аднак гэта не перашкодзіла выканаць запланаванае.
Адной з асноўных тэм стаў абласны агляд-конкурс «Ветэранскае падвор'е-2021». У творчым спаборніцтве былі адзначаны і капыляне, якіх падзякамі, граматамі і каштоўнымі падарункамі ад Мінскай абласной арганізацыі ветэранаў узнагародзілі ў гэты дзень. Так, у намінацыі «Лепшая прэзентацыя» за другое месца адзначылі Алену Насевіч з аграгарадка Цімкавічы.
Прымала віншаванні за актыўны ўдзел у конкурсе і Валянціна Гарашчэня з Капыля.
А сярод канкурсантаў на лепшае добраўпарадкаванне ферм - загадчыца МТФ «Рымашы» Таццяна гарнастай з УП «ПIК-Лясное». За актыўны ўдзел у валанцёрскім руху «Ветэран-ветэрану» адзначана Людміла Касцюк.
Напярэдадні 80-гадовага юбілею каштоўным падарункам была ўзнагароджана старшыня ветэранскай арганізацыі ўчастка «Слабада-Кучынка» ААТ «Старыца-Агра» Святлана Астрэйка за вялікую працу па патрыятычным выхаванні.
Наступным этапам пашыранага пасяджэння стала абмеркаванне ролі першасных ветэранскіх арганізацый у ідэалагічным станаўленні раёна. Да ўдзельнікаў сустрэчы звярнулася Алена Карпеляня, адзначыўшы актыўны ўдзел ветэранаў у гэтым кірунку. Таксама Алена Уладзіміраўна завастрыла ўвагу на захаванні традыцый людзьмі залатога ўзросту і іх узаемадзеянні з маладым пакаленнем.
У завяршэнне мерапрыемства быў зацверджаны план работы Савета ветэранаў на 2022 год.
Павел Шэін
Крыніца http://www.kopyl.by