Як летась, мерапрыемствы пройдуць з захаваннем антыкаранавірусных мер. Члены райвыканкама, кіраўнікі структурных падраздзяленняў райвыканкама і раённых арганізацый у дні святочных навагодніх мерапрыемстваў наведаюць апякунскія і прыёмныя сем'і, дзіцячыя дамы сямейнага тыпу, сем'і, якія выхоўваюць дзяцей-інвалідаў, шматдзетныя і малазабяспечаныя сем'і, выхаванцаў дзіцячых інтэрнатных устаноў.
З 20 снежня 2021 г. па 14 студзеня 2022 г. у працоўных калектывах пройдуць навагоднія ранішнікі для дзяцей. Актывісты і навучэнцы-пераможцы інтэлектуальных, творчых конкурсаў і алімпіяд, роўна як і выхаванцы дзіцячых дамоў сямейнага тыпу, атрымаюць навагоднія падарункі.
Не застануцца без увагі і маленькія пацыенты Капыльскай ЦРБ, дзе іх наведаюць кіраўнікі раёна. А віншаванне першага нованароджанага пройдзе ў 2022 годзе.
Дзіяна Ткачэнка
Крыніца http://www.kopyl.by
