Мерапрыемства дасць старт навагодняй дабрачыннай акцыі «Нашы дзеці», якая ў сталічным рэгіёне расцягнецца на цэлы месяц — з 14 снежня 2021 года па 14 студзеня 2022 года.
Фестываль збярэ ў гарадскім Доме культуры навучэнцаў устаноў агульнай сярэдняй, спецыяльнай, дадатковай адукацыі дзяцей і моладзі, цэнтраў карэкцыйна-развіваючага навучання і рэабілітацыі. Дзецям трэба будзе прадэманстраваць таленты ў 7 намінацыях: вакал, літаратурная творчасць, выкананне на музычных інструментах, харэаграфія, тэатральнае мастацтва, прыкладная мастацкая і выяўленчая творчасць.
Аргкамітэт адабраў для ўдзелу ў гала-канцэрце 17 творчых нумароў з 64 заявак. У намінацыях «Прыкладная мастацкая творчасць» і «Выяўленчая творчасць» удзельнічала і зусім 556 дзіцячых работ. Больш за 150 лепшых з іх адабрана для выставы, якая будзе працаваць у фае Дома культуры Дзяржынска.
Арганізатары мерапрыемства — галоўнае ўпраўленне па адукацыі Мінаблвыканкама, упраўленне адукацыі, спорту і турызму Дзяржынскага райвыканкама, Мінскі абласны інстытут развіцця адукацыі і абласны цэнтр карэкцыйна-развіваючага навучання і рэабілітацыі.
Крыніца http://www.kopyl.by