Разам з ім на мерапрыемстве прысутнічала намеснік старшыні райвыканкама Святлана Лосiк.
- Вельмі прыемна, што сярод тых, хто ўдастоены Гран-пры такога высокага конкурсу - і прадпрыемства Капыльшчыны – дзеліцца ўражаннямі Святлана Іванаўна. - Бо Міжнародная бізнес-прэмія «Лідар года» - гэта магчымасць не толькі прадэманстраваць узровень свайго бізнес-развіцця, але і выдатны спосаб расказаць пра сябе пакупнікам і партнёрам. Да таго ж лаўрэаты прэміі могуць выкарыстоўваць спецыяльны знак прэміі, паказваючы на заслужаную ацэнку свайго бізнесу з боку вядучых экспертаў, якія ўваходзяць у склад экспертнага савета.
Дарэчы, пра прыезд конкурснай камісіі ў лясгас «СП» пісала ў № 77 ад 6 кастрычніка 2021 г.
Прэмія «Лідар года 2021» праводзіцца пры падтрымцы Міністэрства прамысловасці Рэспублікі Беларусь, Міністэрства аховы здароўя Рэспублікі Беларусь, Міністэрства адукацыі Рэспублікі Беларусь, Дзяржаўнага камітэта па навуцы і тэхналогіях, СЮЛ «Рэспубліканская канфедэрацыя прадпрымальніцтва». Арганізатар - ТАА «Осцiнформ».
Дзіяна Ткачэнка
Крыніца http://www.kopyl.by