Як паведаміў старшы інспектар аддзялення ДАІ Капыльскага РАУС Сяргей Барадзін, кантроль за дарожным рухам будзе ажыццяўляцца шляхам змешанага кантролю за дарожным рухам, у тым ліку з выкарыстаннем аўтамабіляў без спецыяльнай колераграфічнай афарбоўкі (негалосны кантроль). Маршруты патрулявання максімальна набліжаны да месцаў правядзення святочных мерапрыемстваў, аб'ектаў гандлю, у першую чаргу працуючых у кругласутачным рэжыме.
У выпадку грубых правапарушэнняў з боку ўдзельнікаў дарожнага руху вартавыя дарог просяць грамадзян неадкладна паведамляць па тэлефоне 102.
- Таксама рэкамендуем кіроўцам пры руху ўлічваць умовы надвор'я і дарожныя ўмовы, выконваць хуткасныя рэжымы і правілы абгону. - адзначыў інспектар. - У абавязковым парадку неабходна прышпільвацца рамянямі бяспекі, а малалетніх дзяцей перавозіць у спецыяльных дзіцячых утрымліваючых прыладах. Пешаходам у цёмны час сутак абазначаць сябе святлоадбіўнымі элементамі.
АДАІ Капыльскага РАУС нагадвае: дарога - месца сустрэчы цвярозых людзей! Паважаныя ўдзельнікі дарожнага руху, прыслухайцеся да гэтых простых, але важных слоў. Беражыце сябе і сваіх блізкіх! З надыходзячым Новым годам!
Павел Шэін