Аб будучых зменах у Канстытуцыі з дапамогай рэферэндуму Святлана выказала свой пункт гледжання.
Наша краіна знаходзіцца на чарговым этапе свайго гістарычнага развіцця. Беларускае грамадства мадэрнізуецца і развіваецца, грамадзяне сваёй працай і актыўнай жыццёвай пазіцыяй імкнуцца стаяць на абароне інтарэсаў дзяржавы, актыўна ўдзельнічаюць у палітычным жыцці краіны.
Змена Канстытуцыі шляхам рэферэндуму стане спосабам дасягнення агульнай карысцi беларускага народа. На ўсеагульны агляд выносіцца шмат палітычных і сацыяльна значных пытанняў. У праекце Канстытуцыі замацаваны многія пазіцыі, якія падкрэсліваюць сацыяльную арыентаванасць дзяржавы: гэта і дапамога сацыяльна неабароненым катэгорыям грамадзян, клопат аб сем'ях з дзецьмі, і вялікая ўвага развіццю моладзі, падрастаючага пакалення. Грамадзяне нашай краіны актыўна ўдзельнічалі ў абмеркаваннях, і гэта сведчыць аб тым, што беларусы гатовы ўдзельнічаць у лёсе сваёй краіны, браць на сябе адказнасць за сябе, будучыню сваіх блізкіх і сваёй дзяржавы.
Асноўны вектар праекта новай Канстытуцыі – гэта ўстойлівае развіццё краіны і грамадства, суверэнітэт нашай краіны – асноўныя каштоўнасці, якія мы імкнемся захаваць. Кожны з нас прыйшоўшы на рэферэндум, зможа стаць удзельнікам канстытуцыйнага стваральнага працэсу, а гэта значыць - творцам агульнай будучыні, будучыні беларускага народа. Канстытуцыя пішацца для людзей і трэба абавязкова прыняць удзел у гэтай агульнай важнай для кожнага з нас справе!
Крыніца: http://www.kopyl.by