На базе Капыльскага дзяржаўнага каледжа прайшла дыялогавая пляцоўка з удзелам паўналетніх навучэнцаў установы адукацыі і запрошаных экспертаў. Спікерамі на сустрэчы выступілі старшыня Капыльскага сельскага Савета дэпутатаў Вольга Купрыенка і вядучы спецыяліст Капыльскай раённай арганізацыі РГА «Белая Русь» Зоя Дайняк.
Перш чым адказваць на пытанні навучэнцаў, эксперты распавялі сутнасць дапаўненняў і змен Канстытуцыі. Гаварылі аб узмацненні ролі маладзёжнай палітыкі, патрыятычным выхаванні, якое ўключае такія паняцці для беларускага народа, як захаванне гістарычнай памяці, духоўнасці, культурных традыцый, нацыянальнай самабытнасці і гонару. Акцэнты былі зроблены на ролі Парламента пасля прыняцця паправак, статусе Усебеларускага народнага сходу як вышэйшым органе народаўладдзя.
— Наданне канстытуцыйнага статуса Усебеларускаму народнаму сходу з'яўляецца сведчаннем афармлення самабытнай мадэлі беларускага народаўладдзя. Гэты орган будзе закліканы вырашаць ключавыя задачы, напрыклад, зацвярджэнне праграм сацыяльна-эканамічнага развіцця, асноўных напрамкаў знешняй палітыкі, ваеннай дактрыны, канцэпцыі нацыянальнай бяспекі, - адзначылі спікеры.
Падводзячы вынікі сустрэчы, першы сакратар РК ГА «БРСМ» Анастасія Збіруховіч адзначыла, што падтрымка моладзі — важны кірунак дзяржаўнай палітыкі ў Беларусі, таму што яна — будучыня краіны. У праекце Канстытуцыі з'явіўся новы артыкул, які гарантуе маладому пакаленню права на духоўнае, маральнае, інтэлектуальнае, фізічнае і культурнае развіццё. Гэта i ёсць пэўныя гарантыі для маладога пакалення. І яны, як сапраўдныя грамадзяне сваёй краіны, павінны праявіць сваю актыўнасць, прыйшоўшы на рэферэндум.
Таццяна Бохан
Крыніца http://www.kopyl.by
