Было адзначана, што дзякуючы дзеючай Канстытуцыі ў Рэспубліцы Беларусь створана сапраўды сацыяльна арыентаваная дзяржава. Аднак наша краіна стаіць на парозе новага этапу развіцця, які патрабуе чарговай змены Асноўнага Закона.
Распавядаючы аб асноўных зменах і дапаўненнях праекта, кіраўнік РЭС таксама падкрэсліў, што чвэрць стагоддзя Беларусь ішла па шляху эканамічнай стабільнасці і беларусам удалося не толькі захаваць прамысловасць, сельгасвытворчасці, але і зрабіць нямала крокаў наперад у развіцці энергетыкі, біятэхналогій, вытворчасці тэхнікі. Будаўніцтва першай у Беларусі атамнай электрастанцыі дазволіла забяспечыць пастаўку электраэнергіі не толькі ў розныя рэгіёны нашай краіны, але і іншыя дзяржавы, а гэта дадатковы прыбытак. Гаворачы аб атамнай электрастанцыі, адзначана, што ў новым праекце Канстытуцыі з'явіўся дадатак, у якім гаворыцца, што Беларусь развівае атамную энергетыку ў мірных мэтах, забяспечвае бяспеку пры яе вытворчасці і выкарыстанні.
- Вывучайце праект Канстытуцыі і зрабіце свой выбар — рэзюмаваў Мікалай Емяльянчык. - А актыўная грамадзянская пазіцыя кожнага з нас па ўдзеле ў рэферэндуме дапаможа вызначыць той адзіны і правільны вектар развіцця ў далейшым лёсе нашай краіны.
- Кожны беларус не павінен быць абыякавы да таго, якім будзе наша з вамі заўтра, - падзялілася ўражаннямі кладаўшчык Капыльскага РЭС Ганна Кажамякіна. - І, як адзначаў кіраўнік дзяржавы, у новай версіі Канстытуцыі мяркуецца захаваць пераемнасць сацыяльнай палітыкі Беларусі і яшчэ больш павысіць і без таго высокі ўзровень сацыяльнай абароненасці грамадзян.
- Удзел у рэферэндуме - грамадзянскі абавязак кожнага — уступае ў размову і электраманцёр Вячаслаў Крэпскі. - Галоўнае, што мы павінны памятаць, - самай важнай каштоўнасцю з'яўляецца спакой у краіне, горадзе, сям'і. І гэта трэба шанаваць і берагчы. І важна, каб кожны, ідучы на рэферэндум, разумеў, чаму робіць той ці іншы выбар. Бо менавіта ад нас, перш за ўсё, залежыць развіццё і росквіт роднай Беларусі.
Таццяна БОХАН
Крыніца http://www.kopyl.by
