Каб стаць не толькі ўдзельнікам, але і пераможцам, трэба было прадставіць сваё партфоліо, на старонках якога ярка расказаць пра свае дасягненні. А ў Рамана Марукіна іх нямала. Да прыкладу, у 2019 годзе ў складзе дуэта юнак стаў дыпламантам I ступені II Міжнароднага музычнага конкурсу «Крок наперад-2019». У 2020 годзе – лаўрэатам ІІІ ступені на II адкрытым патрыятычным конкурсе «Радзіме Прысвячаецца!» у рамках Міжнароднага фестывалю «Пульс нашага часу-2020». А ў 2021-м вакальны ансамбль гімназіі «Spark group», удзельнікам якога з'яўляецца Раман, стаў лаўрэатам II ступені II Міжнароднага конкурсу сучаснай творчасці маладых выканаўцаў «Акцэнты-2021». Таксама навучэнец з'яўляецца лаўрэатам ІІІ ступені міжнароднага конкурсу-фестывалю мастацтваў «АРТ-прэм'ер» (эстрадны вакал/сола/юніёры). Дадзеныя дасягненні - вынік творчага ўзаемадзеяння Рамана і настаўніка музыкі гімназіі Наталлі Фінке.
- У Рамана Марукіна - добрыя акцёрскія задаткі, ён любіць інсцэнаваць і выступаць на сцэне – характарызуе вучня года намеснік дырэктара гімназіі Валянціна Балажынская. - Юнак з ахвотай наведвае аб'яднанне па інтарэсах «Літаратурная гасцёўня». Неаднаразова яго артыкулы былі апублікаваны на старонках раённай газеты «Слава працы». Цікавіцца сучаснай літаратурай, піша апавяданні ў стылі фэнтэзі. У 2016/2017 навучальным годзе стаў пераможцам рэспубліканскай алімпіяды па чытацкай кампетэнтнасці. Да таго ж Раман - развітая асоба з выяўленай грамадзянскай пазіцыяй і пачуццём патрыятызму. Юнак дэманструе сацыяльную даросласць і адказнасць за свае ўчынкі, валодае прававой культурай. Яго стыль зносін як з настаўнікамі, так і вучнямі заснаваны на паразуменні, падтрымцы, супрацоўніцтве і ўзаемапавазе. Таму ў класным калектыве ён карыстаецца павагай і сімпатыяй. Раман адрозніваецца ўменнем адстойваць свае погляды і перакананні, можа знайсці рашэнне ў нечаканай жыццёвай сітуацыі.
На конкурсе Капыльшчыну прадстаўлялі лепшыя вучні, сярод якіх - пераможцы алімпіяд і творчых конкурсаў, валанцёры.
У намінацыі «Навучальная дзейнасць» наш раён прадстаўляла адзінаццацікласніца СШ № 2 г. Капыля Паліна Тонка, якая вядома дзякуючы сваім высокім навучальным дасягненням. Дзяўчына - выдатнік вучобы, пераможца трэцяга (абласнога) этапа рэспубліканскай алімпіяды па вучэбным прадмеце «Інфарматыка».
Дар'я Казлоўская, вучаніца 10 класа Цімкавіцкай СШ, змагалася за званне пераможцы ў намінацыі «Грамадская дзейнасць». На яе рахунку - Дыплом І ступені трэцяга этапа рэспубліканскай алімпіяды па вучэбным прадмеце «Працоўнае навучанне». Таксама дзяўчына з'яўляецца прызёрам рэспубліканскага дыстанцыйнага конкурсу па ландшафтным дызайне..
У намінацыі «Спартыўная дзейнасць» удзел прымаў сямікласнік СШ № 2 г. Капыля Мікіта Ліннік – пераможца раённых, занальных і абласных спаборніцтваў па зімовым мнагаборстве «Здароўе» дзяржаўнага фізкультурна-аздараўленчага комплексу Рэспублікі Беларусь сярод устаноў агульнай сярэдняй адукацыі, размешчаных у гарадской мясцовасці.
Нягледзячы на свой юны ўзрост сямікласніца Лясноўскай СШ Вольга Навумовіч годна прадставіла Капыльшчыну ў намінацыі «Грамадская дзейнасць». У яе скарбонцы наступныя дасягненні: старшыня валанцёрскага атрада «Добратворцы», актыўны ўдзельнік акцый «Школа - тэрыторыя здароўя», «Памяць аб мінулым захоўваем», «Пасадзі сваё дрэва», «Захаваем неацэннае», «Мы памятаем цябе, ветэран». Сумесна з раённай арганізацыяй Беларускага таварыства Чырвоны Крыж удзельнічала ў акцыі «Няхай восень жыцця будзе залатой», якая праходзіла ў Бабаўнянскай бальніцы сястрынскага догляду..
А вось выпускнік Пацейкаўскай СШ Ягор Прышчэпа стаў удзельнікам конкурсу ў намінацыі «Працоўная дзейнасць». Юнак можа ганарыцца тым, што восенню мінулага года яму ўручылі Падзяку Беларускай праваслаўнай царквы за руплівую працу на славу Святой Царквы і на карысць Айчыны протаіерэй Фёдар Поўны і першы сакратар ЦК ГА «БРСМ» Аляксандр Лук'янаў. Ягор - актыўны член ГА «БРСМ» і ўдзельнік валанцёрскага руху.
Дыяна ТКАЧАНКА
крыніца http://www.kopyl.by
