- Я, як старшыня раённай прафсаюзнай арганізацыі, падтрымліваю правядзенне рэферэндуму і тыя дапаўненні і змены, якія ўносяцца ў Канстытуцыю. Гаворачы аб палітыцы дзяржавы ў сістэме аховы здароўя, нельга не звярнуць увагі на такі момант у праекце Канстытуцыі, як асабістая адказнасць грамадзян за сваё здароўе. Нельга цалкам перакладваць адказнасць за сваё здароўе на плечы медработнікаў. Кожны з нас павінен задумацца над тым, што 50-55 адсоткаў нашага здароўя залежыць ад нас саміх і толькі каля 10 - ад стану дзяржаўнай сістэмы аховы здароўя. Прыярытэтам сацыяльнай палітыкі Беларусі працягвае заставацца абарона інтарэсаў простых грамадзян і падтрымка людзей, якія знаходзяцца ў складанай жыццёвай сітуацыі. Разам з тым прапануецца ўвесці і сацыяльную адказнасць грамадзян перад грамадствам і дзяржавай, гэта значыць адбудзецца не толькі пашырэнне правоў, але і замацаванне абавязкаў. Канстытуцыя - гэта не набор ільгот, гэта шэраг гарантый, якія прадастаўлены дзяржавай нашым грамадзянам.
Абмеркаванне дакумента будзе весціся да канца лютага. І да таго моманту, калі будзе прызначана дата правядзення рэферэндуму трэба, каб кожны чалавек асэнсаваў усе дапаўненні і змены, унёсшы тым самым свой уклад у фарміраванне Асноўнага Закона краіны, па якім усім нам трэба будзе жыць. Толькі беларусам будаваць нашу светлую будучыню.
Таццяна БОХАН
Крыніца http://www.kopyl.by