18 студзеня выслухаць усіх жадаючых аб унясенні змяненняў і прапаноў, узнікшых пытаннях змаглі старшыня прафсаюзнай арганізацыі работнікаў культуры, інфармацыі, спорту і турызму Андрэй Лятчэня і старшыня Савета ветэранаў Людміла Каменка.
— Самы галоўны пасыл абноўленай Канстытуцыі - замацаванне суверэнітэту Рэспублікі Беларусь, яе непадзельнасць, развіццё і працвітанне. – кажа Андрэй Лятчэня. - У праекце адлюстраваны ўсе канцэптуальныя рэчы, якія тычацца не толькі палітычнага жыцця грамадства, але і самае галоўнае - важныя і неабходныя пасылы духоўнага і маральнага жыцця. Таксама пытанні як выхоўваць дзяцей, ствараць і будаваць сям'ю, што ўкладваць у навучанне і развіццё падрастаючага пакалення. Адмысловая ўвага адведзена і захаванню гістарычнай памяці. Бо без яе народ Беларусі можа страціць усё тое, што так доўга і ўпарта будавалі. Нам трэба ведаць светлыя і цёмныя старонкі гісторыі, каб разумець, якім шляхам неабходна ісці і як не павінна быць.
Як і раней грамадская прыёмная працуе па аўторках з 9:00 да 14:00 і па чацвяргах з 14:00 да 18:00, альбо можна патэлефанаваць па нумары тэлефона 50-0-91.
Наталля Давыдзенка
Крыніца http://www.kopyl.by
