Адкрываючы сустрэчу, старшыня Капыльскага РК прафсаюза работнікаў АПК Ірына Сцяпура адзначыла, што ў Канстытуцыю ўключаны цэлы шэраг напрамкаў развіцця сацыяльнай палітыкі, інавацыйнай сферы, пытанняў інфармацыйнай бяспекі. У аснове таксама захаванне нацыянальнай самабытнасці, гістарычнай памяці і суверэнітэту краіны, выхаванне традыцыйных сямейных каштоўнасцяў і забеспячэнне сацыяльнай справядлівасці. Галоўны пасыл - гэта, вядома, замацаванне суверэнітэту Рэспублікі Беларусь, яе непадзельнасць і росквіт.
- Канстытуцыя - гэта база, падмурак, але прапісаць там усё да дробязяў немагчыма, ды і не трэба, — падкрэсліла Ірына Станіславаўна. - Пасля прыняцця асноватворнага дакумента пачнецца праца над законамі. І вось там ужо ўсе нюансы ў розных сферах жыцця будуць прапісаны.
У калектыве цікавасць выклікала ўзмацненне ролі Усебеларускага народнага сходу. Адзначана, што галоўнай яго задачай павінна стаць выпрацоўка і зацвярджэнне стратэгіі развіцця краіны на пяцігодку.
- Новы праект Асноўнага Закона павінен стаць базісам дабрабыту беларусаў — адзначыла загадчыца аддзела асноўнай дзейнасці рэдакцыі газеты «Слава працы» Таццяна Бохан. - Ён адказвае патрабаванням часу, у поўнай меры забяспечвае далейшае развіццё краіны. А маючы адбыцца рэферэндум - гэта важнае мерапрыемства для кожнага, каму неабыякавы лёс нашай краіны.
Падводзячы вынік працы дыялогавай пляцоўкі, дырэктар ЗАТ «Жыліхава» Віталь Юхо выказаў упэўненасць, што работнікі праявяць актыўнасць у галасаванні, паколькі гэта прамы абавязак кожнага грамадзяніна, і кожны голас важны з пункту гледжання аб'ектыўнасці, праўдзівасці і значнасці.
- У аснове Канстытуцыі ляжаць базавыя каштоўнасці, чаканні, запыты грамадства, — рэзюмаваў Віталь Віктаравіч. - Важна, што беларуская дзяржава і далей будзе развівацца як дэмакратычная, сацыяльная, прававая.
У цэлым, як адзначылі ўсе ўдзельнікі мерапрыемства, дыялог атрымаўся жывым і нязмушаным.
- Такі фармат зносін з экспертамі вельмі эфектыўны — падзялілася ўражаннямі галоўны эканаміст Таццяна Шпілеўская. - Бо вяскоўцы таксама не жадаюць заставацца ў баку ад важных для краіны падзей. Няма сумневаў, што змены ў Асноўны Закон накіраваны на развіццё, росквіт, мір і згоду ў нашай краіне.
Наш кар.
Крыніца http://www.kopyl.by
