Лідар беларускай мужчынскай каманды Антон Смольскі, які стартаваў 28-м, цудоўна адпрацаваў на стрэльбішчы, не дапусціўшы ніводнага промаху, і паказаў час 49 хв. У выніку яго апярэдзіў толькі французскі біятланіст Квенцін Фіён Майе, які пры двух штрафных хвілінах прайшоў дыстанцыю за 48 хв 47,4 сек. Уладальнікам бронзы стаў нарвежац Ёханэс Бе (+31,1 сек.; 2).
Гэта першы алімпійскі медаль для мужчынскай зборнай Беларусі з 2010 года. У Ванкуверы-2010 Сяргей Новікаў таксама заняў другое месца ў індывідуальнай гонцы, падзяліўшы серабро з легендарным нарвежцам Оле-Эйнарам Б'ёрндаленам.
Сёння беларускі біятланіст Мікіта Лабастаў заняў 47-е месца, Дзмітрый Лазоўскі на 58-й пазіцыі, Максім Варабей фінішаваў 86-м з 92 удзельнікаў гонкі.
Учора ў жаночай індывідуальнай гонцы на 15 км беларуска Дзінара Алімбекава заняла пятае месца.
Фота Андрэя Пакумейкі
Крыніца: БЕЛТА
