— Праводзяцца і прафілактычныя гутаркі аб недапушчэнні дзеянняў, якія садзейнічаюць гібелі і траўматызму людзей, — дадаў на выніковым пасяджэнні ў Дактаровіцкім сельвыканкаме першы намеснік начальніка Капыльскага РАНС Вадзім Мардасевіч. — У гэтай працы бяруць удзел усе суб'екты прафілактыкі: аддзел унутраных спраў, работнікі аховы здароўя, работнікі цэнтра сацыяльнага абслугоўвання насельніцтва, упраўлення па адукацыі, спорце і турызме, супрацоўнікі МНС, сельсавета.
Працу назіральнай камісіі ўзначальвае старшыня сельвыканкама Міхаіл Валуевіч:
- Эфектыўнасць заключаецца ў аб'яднанні намаганняў усіх суб'ектаў прафілактыкі. Прымяненне комплекснага падыходу і больш цеснае ўзаемадзеянне з насельніцтвам даюць свой плён, - адзначае Міхаіл Міхайлавіч. — Гэта і хуткасць прыняцця рашэння па лiквiдацыi выяўленых негатыўных фактаў, а часам і запрашэнне грамадзян, якія не жадаюць прыводзіць свае домаўладаннi ў бяспечны стан, на пасяджэнне саветаў па прафілактыцы.
Падчас працы назіральнай камісіі ідзе інфармаванне насельніцтва, якое пражывае на тэрыторыі Дактаровіцкага сельсавета, аб неабходнасці правядзення рамонту пячнога ацяплення, электраправодкі і ўстаноўкі аўтаномнага пажарнага апавяшчальніка, замены газавага абсталявання ў домаўладаннях састарэлых бацькоў.
У гэтай сітуацыі грамадзяне, чые састарэлыя бацькі жывуць асобна, часта рэагуюць і дапамагаюць ім засцерагчы сябе. Такі падыход эфектыўны, таму што ў мітусні людзі забываюцца, што ў іх дапамозе маюць патрэбу самыя блізкія людзі, а камісія ім пра гэта нагадвае.
Часцей за ўсё ў поле зроку трапляюць домаўладаннi грамадзян групы рызыкі. У гэту катэгорыю ўваходзяць асобы, якія злоўжываюць спіртнымі напоямі, шматдзетныя сем'і і сем'і, якія знаходзяцца на ўліку як знаходзячыеся ў сацыяльна небяспечным становішчы, адзінокія і адзінока пражываючыя грамадзяне працаздольнага ўзросту, інваліды I і II непрацоўных груп.
— Карыстаючыся выпадкам, хочацца нагадаць, што калі вы, паважаныя чытачы, або вашы блізкія і знаёмыя ставіцеся да вышэйназваных катэгорый, прыводзьце ў парадак сваё жыллё і не здзіўляйцеся, калі да вас прыйдзе назіральная камісія, — рэзюмавала старшыня раённага Савета дэпутатаў. Ірына Кісляк. — Хочацца папрасіць ставіцца з разуменнем, бо праца назіральнай камісіі накіравана на вашу бяспеку.
Сяргей КОЗЕЛ
Крыніца http://www.kopyl.by
