Вітаючы шчаслівага тату, Сяргей Пілішчык адзначыў, што вельмі рады такой выдатнай падзеі як нараджэнне яшчэ аднаго жыхара Капыльшчыны:
- І маме, і сыну, і ўсёй сям'і жадаю моцнага здароўя, - адзначыў кіраўнік раёна. - Сёння ў нашай краіне робіцца многае для таго, каб вырасціць моцнага, упэўненага ў сваіх сілах, грамадзяніна. Дзяржава дапамагае сем'ям, стварае стабільныя ўмовы для таго, каб дзеці годна вучыліся, займаліся спортам, атрымлівалі якасную адукацыю. Такая магутная сацыяльная падтрымка замацавана і новай рэдакцыі Канстытуцыі Рэспублікі Беларусь.
Да пажаданняў далучылася і Святлана Маліноўская.
У сям'і Дзмітрыя і Алены Малюкевіч ужо падрастае сын Цімафей. Дзмітрый працуе бухгалтарам у кааппраме, жонка, да таго, як выйсці ў адпачынак па доглядзе дзіцяці, працавала поварам у КСУП «Дактаровічы».
- Мне вельмі прыемна, што нас з нараджэннем сына павіншавалі такія паважаныя людзі — дзеліцца ўражаннямі Дзмітрый. - Гэта выдатна, што сям'я не застаецца без увагі з боку дзяржавы, а ўсе мы адчуваем яе клопат і падтрымку.
Дзіяна Ткачэнка
Фота Паўла Шэіна
Крыніца http://www.kopyl.by