Ва ўрачыстай частцы мерапрыемства адзначылі лепшых супрацоўнікаў, якія дасягнулі высокіх вынікаў працы за мінулы год. Першы намеснік Старшыні Следчага камітэта Алег Шандаровіч і начальнік упраўлення Андрэй Ліс уручылі ўзнагароды. Сярод лепшых стала старшы следчы Капыльскага райаддзела Надзея Драбушэвіч. А адным з пераможцаў сярод тэрытарыяльных падраздзяленняў цэнтральнага рэгіёна прызнаны Капыльскі раённы аддзел Следчага камітэта нароўні з Барысаўскім і Дзяржынскім.
Таксама адбылася аператыўная нарада, на якой абмеркавалі вынікі працы следчых падраздзяленняў УСК па Мiнскай вобласці за мінулы год. Вызначылі мэты і канкрэтныя задачы на бягучы 2022 год. Абмеркавалі станоўчыя тэндэнцыі ўзаемадзеяння з сумежнымі структурамі вобласці, з органам папярэдняга следства і пагаварылі аб ключавых кірунках сумеснай працы ў будучыні. Старшыня абласнога суда Эдуард Каспяровіч звярнуў увагу прысутных, што следчыя Міншчыны летась перадалі найбольшую колькасць крымінальных спраў пракурору для накіравання ў суд.
Павел Шэін
Крыніца http://www.kopyl.by